Töflubreytingar vorönn 2025
Búið er að opna stundatöflur nemenda og einnig fyrir rafrænar töflubreytingar. Nemendur geta fram til föstudagsins 10. janúar kl. 14:00 óskað eftir töflubreytingum í gegnum INNU. Athugið að ekki er hægt að skipta um hópa né skipta út áföngum sem nemandi valdi í áfangavalinu. Ekki er hægt að verða við öllum óskum um töflubreytingar og því mikilvægt að mæta í kennslustundir samkvæmt stundatöflu þar til töflubreytingar hafa verið afgreiddar í INNU.
Leiðbeiningar fyrir töflubreytingar
Nemendur sem stefna á útskrift í vor geta komið og fengið aðstoð hjá námsráðgjöfum, áfangastjóra eða námsstjóra á meðan töflubreytingum stendur.
Íþróttir:
Nemendur sem ætla að vera í Sporthúsinu á vorönn þurfa að skrá sig í gegnum töflubreytingar í áfangann ÍÞRÓ1AA01.
Nemendur sem eru að æfa hjá íþróttafélagi (ekki á afrekssviði) eða eiga kort í öðrum líkamsræktarstöðvum þurfa að skila áætlunarblaði með undirskrift og stimpli á skrifstofu skólans í síðasta lagi föstudaginn 10. janúar – Tengill á áætlunarblaðið