Skipulag skólastarfs í MK næstu daga

Allt hefðbundið bóknám í MK verður í fjarkennslu þessa viku og líklega þá næstu með eftirfarandi undantekningum:

Starfsbraut: Starfar með sama hætti og áður.

Kennsla er óbreytt í verknámi.

Matartækni, matsveinanám, matreiðsla, framreiðsla, bakstur og grunndeild matvæla og ferðagreina:

Nemendur mæta í allar verklegar kennslustundir í skólanum skv. stundatöflu og nánari fyrirmælum frá áfangastjóra um sóttvarnarhólf.  Allt almennt bóknám á þessum brautum fer í fjarkennslu.

Að óbreyttu munum við bjóða nýnemum í Læsi upp á staðnám frá og með mánudeginum 12. október. Nánari fyrirmæli verða send út þegar nær dregur helgi.  En þessa viku eru nýnemar í læsi í fjarnámi.

Skrifstofa skólans verður opin frá 10 – 12 og 13 – 15

Það má alltaf senda fyrirspurnir á netfang skólans: mk@mk.is

Bókasafn skólans verður lokað en í sérstökum tilfellum má nálgast þjónustu bókasafns og senda beiðni þess efnis á netfangið mk@mk.is

það verður áfram hægt að panta tíma í viðtal hjá náms- og starfsráðgjöfum. Og ég hvet nemendur og foreldra til að vera í góðu sambandi við umsjónarkennara.

Mötuneyti skólans verður áfram lokað.

Það er afar mikilvægt að nemendur sem mæta í skólann safnist hvergi saman á göngum skólans og gangi rakleiðis inn í sína kennslustofu þegar þau mæta í skólann.

Nemendur nota grímur áfram í kennslustundum.