Gjöf til skólans

Hrefna Marín Gunnarsdóttir og Sveinn Kjarval frá Marel ásamt Baldri Sæmundssyni áfangastjóra verknáms og Hinriki Carli Ellertssyni matreiðslukennara.
Í baksýn eru svo matreiðslunemar.

Fulltrúar frá Marel, þau Hrefna Marín Gunnarsdóttir og Sveinn Kjarval, komu færandi hendi með gjafir til skólans í síðustu viku.

Um er að ræða tvær matvinnsluvélar af gerðinni Robot Coupe Blixer. Munu vélarnar nýtast vel í verklegri kennslu í matreiðslu og eru þessar vélar mikið notaðar við margskonar farsgerð og deiggerð.

Skólinn og nemendur eru mjög þakklát Marel fyrir þessa höfðinglegu gjöf sem mun nýtast vel við kennslu í skólanum.