Breytt skipulag haustannar í Menntaskólanum í Kópavogi
Það er ljóst að næstu mánuði og misseri munum við þurfa að lifa með mismiklum samkomutakmörkunum vegna Covid-19. Því er rétt að skipuleggja skólastarf miðað við þá staðreynd, frekar en að hertar samkomutakmarkanir verði til þess að kollsteypa skólastarfi með reglulegu millibili.
Í Menntaskólanum í Kópavogi verður nú öll kennsla bóklegra greina sett upp með fjarkennsluformi og mun kennsla verklegra greina verða í bland á staðnum eða í fjarnámi eins og við verður komið.
Við einsetjum okkur samt sem áður að nýta allt rými sem gefst til að taka á móti nemendum eins og kostur er.
Kennarar skólans munu nú í annar byrjun endurskipuleggja kennslu og kennsluhætti, sitja námskeið um fjarkennslulausnir og almennt undirbúa sig rækilega fyrir komandi skólaár svo sem best takist til.
Í þessu ljósi hefur skólabyrjun verið breytt með eftirfarandi hætti:
Nýnemar við skólann (bæði yngri og eldri nýnemar) verða boðaðir í skólann í litlum hópum dagana 19. til 21. ágúst. Þann tíma notum við til að kenna þeim á innri kerfi skólans, kennslukerfið Moodle og hvernig við notum Teams og fleiri forrit í fjarnámi. Nemendur fá rafræna kynningu á innviðum skólans, námsráðgjöf, upplýsingatækniveri og fleiru sem skiptir máli svo skólinn gangi sem best við þessar óvenjulegu aðstæður.
Nýnemar verða boðaðir með sérstöku fundarboði síðar í vikunni og mæta þá hver um sig í 3 klst. dagana 19. til 21. ágúst. Fyrsti reglulegi kennsludagur haustannar verður því þann 24. ágúst en þá verður kennt skv. stundatöflu.
- Boðuð nýnemakynning sem átti að vera föstudaginn 14. ágúst fellur því niður
- Fyrsti kennsludagur verður mánudagur 24. ágúst
- Nýnemar verða boðaðir sérstaklega dagana 19. – 21. ágúst
Kveðja
Guðríður Eldey Arnardóttir
Skólameistari MK