ALÞV2BA05 - Alþjóðaviðskipti

Áfanginn miðar að því að auka skilning nemandans á mikilvægi alþjóðasamskipta á tímum hnattvæðingar. Fjölbreytileiki alþjóðaviðskipta er kynntur og áhersla lögð á að skoða hvernig menning ólíkra þjóða hefur mótað viðskiptastefnu þeirra. Helstu viðskiptalönd Íslendinga kynnt og aukið vægi Asíu markaðar metið í alþjóðaviðskiptum. Starfsemi alþjóðastofnana sem grundvallast á milliríkjasamningum er skoðuð svo og utanríkisstefna Íslendinga og þátttaka í fjölþjóðastarfi.

Nemandi skal hafa öðlast þekkingu og skilning á:

• Bera kennsl á helstu viðskiptalönd Íslendinga
• Bera kennsl á helstu iðnríki heimsins
• Bera kennsl á helstu fjölþjóðastofnanir heimsins
• Bera kennsl á helstu áhrif hnattvæðingar
• Greina margbreytilegar aðstæður ólíkra ríkja
• Flokka mikilvægi viðskiptasamninga eftir landfræðilegri legu ríkja

Nemandi skal hafa öðlast leikni í að:

• Taka þátt í og skipuleggja krefjandi verkefni
• Greina undirstöðuatriði alþjóðasamskipta
• Tjá sig um viðskiptastefnu Íslendinga
• Tjá sig um utanríkisstefnu Íslendinga
• Tjá sig um menningarmun þjóða

Nemandi skal geta hagnýtt þá almennu þekkingu og leikni sem hann hefur aflað sér til að:

• Gagnrýna alþjóðastofnanir
• Gagnrýna viðskiptastefnu þjóðar
• Rökstyðja mikilvægi alþjóða samvinnu
• Greina tækifæri með viðskiptasamningum
• Skipuleggja alþjóðasamskipti með netmiðlum
• Bera saman menningarstefnur þjóða