Sérúrræði í lokaprófum
Upplestur á prófum: Allir nemendur sem fara í lokapróf hafa rétt á að hlusta á lokaprófin. Nemendur þurfa að mæta með tölvu og heyrnatól og hlusta á prófin inn á Moodle. Upplestur á prófum er góð hjálp fyrir nemendur með skrif- og lesblindu.
Lengri próftími: Allir nemendur sem fara í lokapróf fá lengri próftíma. Lokapróf taka eina og hálfa klukkustund að hámarki en nemendur hafa heimild til að sitja aukalega 30 mínútur í hverju prófi. Þessi lengdi próftími er sérstaklega hugsaður til að koma á móts við nemendur með skrif- og lesblindu.
Fámenn stofa: Allir nemendur sem hafa skilað inn greiningu um námserfiðleika til námsráðgjafa og/eða eru með prófkvíða geta sótt um að vera í fámennri stofu í lokaprófum. Sótt er um það hér að neðan. Um fámennar stofur gilda eftirfarandi reglur:
- Reynt er að hafa ekki fleiri en 7 nemendur í fámennum stofum
- Fámenn stofa er fyrir nemendur sem eiga erfitt með að einbeita sér og þurfa ró og næði
- Til að viðhalda ró í fámennri stofu takmarka kennarar komur sínar þangað inn og koma ekki oftar en tvisvar sinnum.
Ef þú ert ekki viss um það hvort fámenn stofa eigi við um þig þá getur þú bókað viðtal við námsráðgjafa með því að senda fyrirspurn á netfangið namsradgjof@mk.is eða bókað viðtal hér.