Sjúkraþjálfun á Afrekssviði

Afrekssvið Menntaskólans í Kópavogi er í samstarfi við Sjúkraþjálfunina í Sporthúsinu. Sjúkraþjálfun Sporthúsinu sér um fræðslufyrirlestra og að kenna nemendum á fyrirbyggjandi æfingar. Ef nemendur þurfa á sjúkraþjálfun að halda geta þau komist mun fyrr að hjá sjúkraþjálfara í gegnum samstarfið. 

Verkferill fyrir nemendur að komast að í Sjúkraþjálfun:

• Nemandi/Foreldri skráir nemanda á biðlista í sjúkraþjálfun á heimasíðu Sjúkraþjálfunarinnar Sporthúsinu, sjukrasport.is
  • Klikka á „Skráning á biðlista“
  • Fylla út viðeigandi upplýsingar
  • Undir „Ástæða á fyrir skráningu á biðlista“ skal taka fram að aðili sé nemandi á afrekssviði MK (MJÖG MIKILVÆGT)
• Skráningin skilar sér til ritara Sjúkraþjálfunarinnar Sporthúsinu og ritarar senda tölvupóst til nemenda/foreldra sem staðfestir að skráningin hafi skilað sér. Í framhaldinu mun móttakan reyna að finna tíma hjá sjúkraþjálfara við fyrsta tækifæri
• Hringt verður í nemanda/foreldra þegar búið er að finna tímasetningu í sjúkrþjálfun
• Fyrsti tíminn er alltaf klukkutími þar sem um skoðunartíma er að ræða
• Sjúkraþjálfari býr til greinargerð/áætlun og sendir nemanda í gegnum tölvupóst eftir skoðun. Nemandi getur síðan komið þeirri greinargerð/áætlun áfram til þjálfara.

Kostnaður við sjúkraþjálfun

• Sjúkraþjálfun er niðurgreidd af Sjúkratryggingum Íslands
• Allir eiga rétt á 5 bráðameðferðum svo ekki þarf að vera með klára beiðni frá lækni í fyrstu skoðun. Niðurgreiðslan er tryggð í gegnum þessi bráðameðferðarúrræði
• Kostnaðarliðir við fyrstu skoðun sem er klukkutími eru eftirfarandi:
  • Almenn meðferð: 9917
  • Viðbót vegna skoðunar: 10715
• Kostnaðarliðir í næstu meðferðum sem er 30 mín.
  • Almenn meðferð: 9917 kr
• Sjúkratryggingar Íslands taka þátt í greiðslum við kostnaðarliðina „Almenn meðferð“ og „Viðbót vegna skoðunar“ og fer það eftir stöðu nemenda gagnvart Sjúkratryggingum Íslands hversu mikil niðurgreiðslan er
• Nemendur þurfa ekki að sækja niðurgreiðsluna sjálfir heldur sækir móttaka Sjúkraþjálfunarinnar Sporthúsinu stöðu nemenda hverju sinni gagnvart SÍ og rukkar nemendur í móttöku samkvæmt því