VÍNF1AA05 - Kynning á vínfræði

Í áfanganum er farið yfir grunnþætti vínfræðinnar, sögu, landafræði, ræktun og ræktunarskilyrði. Fjallað er um vínfræði bjórs, styrkts og eimaðs áfengis. Farið yfir vinnu á bar, notkun glasa, sérhæfðra tækja áhalda og íblöndunarefna. Farið er yfir vinnu í veitingasal og undirbúning viðburða. Nemendur eru þjálfaðir í upplýsingaöflun á netinu og notkun forrita sem nýtast til útreikninga og utanumhalds.

Nemandi skal hafa öðlast þekkingur og skilning á:

• Verkferlum, áhöldum og hráefnisþörf á bar
• Varðveislu vínbirgða
• Framreiðsla í vínstúku
• Hráefnisþörf
• Skipulagningu og uppsetningu á bar
• Undirbúningi og frágangi

Nemandi skal hafa öðlast leikni í að:

• setja upp og skipuleggja bar sem vinnusvæði
• nota íblöndunarefni
• nota mælieiningar og hugtök
• beita áhöldum og tækjum til blöndunar
• lesa vínmiða mismunandi vínframleiðslulanda
• taka á móti vörum
• umhella vínum
• afla upplýsinga um helstu lönd, þrúgur og aðferðir í víngerð borð- og styrktra vína
• afla og nýta upplýsingar um hinar ýmsu gerðir bjórs, eimaðra vína, bittera og líkjöra

Nemandi skal geta hagnýtt þá almennu þekkingu og leikni sem hann hefur aflað sér til að:

• Setja upp og skipuleggja bar sem vinnusvæði
• Stilla upp veitingasvæði sem tengist vínstúku
• Þekkja grunnborðlagningar og tengdu efni
• Nota íblöndunarefni
• Nota mælieiningar og hugtök
• Beita áhöldum og tækjum til blöndunar
• Lesa vínmiða mismunandi vínframleiðslulanda
• Taka á móti vörum
• Geta gert léttan kokkteilaseðil