ÞÝSK1AB05 - Þýska fyrir grunnnotanda - b

Byggt er markvisst á þeirri kunnáttu sem nemendur hafa nú þegar tileinkað sér. Unnið er að færni nemenda í lesskilningi, tali, hlustun og ritun. Orðaforði eykst og ný málfræðiatriðið eru æfð. Nemendur þurfa í auknum mæli að tjá sig munnlega og textar verða smám saman lengri og þyngri. Flétt er inn í kennsluna upplýsingum um menningu og staðhætti þýskumælandi landa. Áhersla er lögð á frumkvæði nemenda og að þeir fylgist með framvindu náms síns og framförum í samræmi við evrópska tungumálamöppu. Nemendur eru þjálfaðir í notkun þýsk-þýskrar orðabókar.

Nemandi skal hafa öðlast þekkingu og skilning á:

• Orðaforða sem nauðsynlegur er til að mæta markmiðum áfangans.
• Grundvallarþætti þýska málkerfisins.
• Staðháttum, samskiptavenjum og menningu þýskumælandi landa og þjóða.

Nemandi skal hafa öðlast leikni í að:

• Greina talað mál um kunnugleg efni þegar talað er fremur hægt og skýrt og geta fylgt einföldum fyrirmælum.
• Lesa og greina þyngri og lengri texta sem innihalda algengan orðaforða.
• Taka þátt í einföldum samræðum og tjá sig um efni sem hann þekkir.
• Tjá sig um liðna atburði, nánasta umhverfi, eigin tilfinningar og reynslu auk þess að afla sér einfaldra upplýsinga með því að beita grunnorðaforða tungumálsins og nota til þess m.a. þýsk-þýska orðabók.

Nemandi skal geta hagnýtt þá almennu þekkingu og leikni sem hann hefur aflað sér til að:

• Hlusta á og greina talað mál um kunnugleg efni og draga viðeigandi ályktanir.
• Rökstyðja og bera saman notkun á einföldum textum yfir athafnir daglegs lífs.
• Leggja grunn að einföldum samræðum þannig að hann rökstyðji, spyrji og svari einföldum, algengum spurningum.
• Draga ályktanir og nota einföld orðasambönd og setningar til þess að vísa veginn, gefa upplýsingar um búsetu ofl.
• Skipuleggja frásögn og rökstyðja orðaval sitt í skapandi skrifum.

Undanfari: ÞÝSK1AA05.

Námsmat: Símat.