ÞTBS1FB03 - Þjónað til borðs á framhaldsskólabraut

Nemendur fá kynningu á starfi framreiðslumannsins og kynnast helstu vinnureglum við að leggja á borð og ganga frá. Farið er yfir grunnreglur um vinnuaðferðir, hreinlæti, borðsiði og umgengni, skipulag og samvinnu. Einnig farið í mikilvægi snyrtimennsku og kurteisi.

Nemandi skal hafa öðlast þekkingu og skilning á:

• Almennum borðsiðum og kurteisi.
• Reglum um hreinlæti.
• Helstu áhöldum í veitingasal og notkunarmöguleikum þeirra.

Nemandi skal hafa öðlast leikni í að:

• Sýna snyrtimennsku, fagmennsku og almenna kurteisi.
• Leggja lín á borð og brjóta munnþurrkur.
• Annast grunnborðlagningu.
• Vinna einföld verkefni í framreiðslu.
• Umgangast þau tæki og tól sem notuð eru í veitingasal.
• Umgangast gesti og samstarfsfélaga.

Nemandi skal geta hagnýtt þá almennu þekkingu og leikni sem hann hefur aflað sér til að:

• Geta unnið einföld grunnstörf í framreiðslu.
• Skilja til hvers er ætlast af störfum við framreiðslu í veitingasal.
• Vinna með helstu áhöld og tæki sem notuð eru í veitingasal.
• Gæta að eigin hreinlæti og því hreinlæti sem kröfur eru gerðar skv. viðurkenndum hreinlætiskröfum.
• Takast á við borðlagningu.
• Temja sér heiðarleg og jákvæð samskipti.

Undanfari: Enginn