STÆR2BD05 - Föll og gröf

Efni áfangans er að kunna skil á mismunandi gerðum falla, s.s. margliðum,algildisföllum, hornaföllum, logrum, vísisföllum, samskeyttum og samsettum föllum.

Nemandi skal hafa öðlast þekkingu og skilning á:

• Mismunandi eiginleikum ólíkra falla.
• Eiginleikum margliða.
• Eiginleikum algildisfalla.
• Eiginleikum hornafalla, undirstöðureglum hornafræðinnar og reglum tengdum þeim.
• Einingahringnum og tengslum hans við hornaföll.
• Logrum og vísisföllum og reglum þeim tengdum.
• Eiginleikum samsettra og samskeyttra falla.
• Andhverfu falla.
• Samfelldni, eintækni, átækni og gagntækni falla.
• Oddstæðum og jafnstæðum föllum.

Nemandi skal hafa öðlast leikni í að:

• Nota mismunandi gerðir falla til að leysa verkefni, til dæmis nota vísisföll í vaxtareikningi.
• Búa til gildistöflu og teikna graf mismunandi falla.
• Leysa jöfnur með mismunandi föllum.
• Nota tölvuforrit við lausn verkefna.

Nemandi skal geta hagnýtt þá almennu þekkingu og leikni sem hann hefur aflað sér til að:

• Skilja merkingu og tengsl hugtaka í námsefninu og vinna með þau.
• Skilja röksemdir og röksamhengi í mæltu máli og texta, þar með taldar sannanir í námsefni.
• Beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur, ójöfnur, föll eða gröf.
• Skiptast á skoðunum við aðra um stærðfræðileg viðfangsefni.
• Útskýra hugmyndir sínar og verk skilmerkilega.

Undanfari: STÆR2BC05.

Námsmat: Lokapróf og verkefnavinna. Lokapróf gildir 50-90%, fer eftir námsárangri nemenda á önninni.