STÆR2BA05 - Algebra og hagnýt stærðfræði

Áfanganum er ætlað að undirbúa nemendur undir áframhaldandi nám á alþjóða- og félagsgreinabrautum. Í áfanganum er lögð áhersla á að nemendur kynnist hvernig stærðfræði er notuð til að leysa margvísleg verkefni daglegs lífs. Helst efnisþættir eru algebra, jöfnur, rökfræði og fjármál.

Nemandi skal hafa öðlast þekkingu og skilning á:

• Undirstöðureglum algebrunnar.
• Jöfnum af 1. og 2. stigi.
• Algengum hugtökum í rökfræði.
• Fjármálum daglegs lífs.

Nemandi skal hafa öðlast leikni í að:

• Beita undirstöðureglum algebrunnar.
• Vinna með jöfnur af 1. og 2. stigi.
• Nota algeng hugtök í rökfræði og finna raunhæfar lausnir á þrautum.
• Meta mismunandi kosti í fjármálum daglegs lífs.

Nemandi skal geta hagnýtt þá almennu þekkingu og leikni sem hann hefur aflað sér til að:

• Skrá lausnir sínar skipulega og skiptast á skoðunum við aðra.
• Átta sig á tengslum ólíkra aðferða við framsetningu stærðfræðilegra hugmynda og viðfangsefna.
• Greina og hagnýta upplýsingar í töluðu eða rituðu máli, myndrænt eða í töflum.
• Skilja merkingu og tengsl hugtaka í námsefninu og geti unnið með þau.

Undanfari: Einkunnin B, B+ eða A úr grunnskóla.

Námsmat: Lokapróf og verkefnavinna. Lokapróf gildir 20-80%, fer eftir námsárangri nemenda á önninni.