STÆR1AA00 - Grunnáfangi í stærðfræði

Grunnáfanga í stærðfræði er ætlað að undirbúa nemendur fyrir áframhaldandi nám á 2. þrepi. Áhersla er lögð á vönduð vinnubrögð og námkvæmni í framsetningu og lausnum verkefna. Helstu efnisþættir eru: tölur og talnareikningur, stæður og jöfnur, hlutföll og prósentur og rúmfræði. Við lok áfanga á nemandi að hafa öðlast færni í að vinna með ofangreinda efnisþætti og kunna að beita vasareikni og tölvu við úrlausn þeirra.

Nemandi skal hafa öðlast þekkingu og skilning á:

• Forgangsröð aðgerða.
• Brotum, prósentu-, hlutfalla- og vaxtareikningi.
• Notkun tákna sem staðgengla talna.
• Flatarmáli og rúmmáli.
• Metrakerfi.
• Flatar- og rúmmálsreikningi.
• Hornum og hyrningum.

Nemandi skal hafa öðlast leikni í að:

• Beita forgangsröð aðgerða og nákvæmni í námundun talna.
• Vinna með almenn brot, prósentu-, hlutfalla- og vaxtareikning.
• Vinna með stæður og leysa jöfnur.
• Reikna flatarmál og rúmmál algengra hluta.
• Vinna með horn og hyrninga.
• Nota vasareikna og algeng tölvuforrit.

Nemandi skal geta hagnýtt þá almennu þekkingu og leikni sem hann hefur aflað sér til að:

• Skrá lausnir sínar skipulega, skiptast á skoðunum um þær við aðra og útskýra hugmyndir og verk í mæltu máli og myndrænt.
• Átta sig á og skilja merkingu og tengsl hugtaka í námsefninu.
• Beita skipulegum aðferðum við lausnir þrauta og útskýra aðferðir sínar.
• Meta hvort upplýsingar eru réttar og/eða áreiðanlegar.
• Beita gagnrýnni og skapandi hugsun og sýna áræði, frumkvæði, innsæi og frumleika við lausn verkefna.
• Geta sett hversdagsleg verkefni í stærðfræðilegan búning.