SÁLF2BA05 - Almenn sálfræði

Kynning á ýmsum stefnum sálfræðinnar, þróun, sögu og rannsóknaraðferðum. Líffræðileg starfssemi heila og taugakerfis, helstu atriði námssálarfræðinnar auk kenninga og rannsóknarniðurstöður á svefni og draumum kynntar.

Nemandi skal hafa öðlast þekkingu og skilning á:

• Skilja fjölbreytileika sálfræðinnar og hvernig sálfræði-menntun nýtist á vinnumarkaði.
• Flokka helstu hugtök og stefnur innan sálfræðinnar.
• Skilja mikilvægi rannsókna í sálfræði og hvernig þær skuli fara fram eftir stöðluðu formi.
• Skilja uppbyggingu heila- og taugakerfisins.

Nemandi skal hafa öðlast leikni í að:

• Gera grein fyrir hvernig hægt er að útskýra ýmsa hegðun í daglegu umhverfi út frá skilyrðingu.
• Gera grein fyrir hvernig heili og taugakerfið getur haft áhrif á eigin líðan.
• Gera grein fyrir kenningum og rannsóknum um svefn og drauma.
• Tjá sig og skrifa á skýran hátt helstu hugtök innan sálfræðinnar.
• Afla sér heimilda til rannsóknargerðar.

Nemandi skal geta hagnýtt þá almennu þekkingu og leikni sem hann hefur aflað sér til að:

• Bera saman hugtök og ólíkar stefnur innan sálfræðinnar sem er metið með heimildarvinnu.
• Nýta þekkingu sína um nám og minni við eigið nám sem er metið með verkefnavinnu og rökræðum.
• Gagnrýna stefnur og hugtök innan sálfræðinnar sem er metið með heimildavinnu, rökræðum og kynningarvinnu.
• Skipuleggja og framkvæma einfalda rannsókn í sálfræði sem er metið með verkefnavinnu.
• Gera grein fyrir niðurstöðu í einfaldri rannsókn og kynna hana sem er metið með verkefnavinnu og kynningu.