SÁLF1FB03 - Jákvæð sálfræði á framhaldsskólabraut

Farið verður í fjölbreytta þætti sem snúa að bættri andlegri heilsu. Hugtök skoðuð sem hafa mikil áhrif á líf okkar eins og hvað það er sem veitir okkur hamingju, hverjir okkar styrkleikar eru og hvernig við getum eflt okkur á þeim sviðum sem við viljum bæta. Leiðir verða skoðaðar sem geta hjálpað okkur að lifa sátt í núinu eins og með því að nota tónlist og beita slökunaraðferðum. Samskipti milli fólks verða skoðuð og farið í mikilvægi þess að eiga góð samskipti við alla.

Nemandi skal hafa öðlast þekkingu og skilning á:

• Hugtökum sem snúa að jákvæðum tilfinningum.
• Hvað geri hann hamingjusaman.
• Hugtökunum styrkleikar og veikleikar.
• Mikilvægi þess að hugsa jákvætt.
• Núvitundar- og slökunaræfingum.
• Mikilvægi góðra samskipta.

Nemandi skal hafa öðlast leikni í að:

• Greina jákvæðar hugsanir frá neikvæðum.
• Meta eigin styrkleika og veikleika.
• Átta sig á eigin líðan.
• Taka tillit til ólíkra einstaklinga.
• Hafa áhrif á samskipti við aðra.

Nemandi skal geta hagnýtt þá almennu þekkingu og leikni sem hann hefur aflað sér til að:

• Hugsa jákvætt til að bæta eigin líðan.
• Auka eigin hamingju.
• Nýta eigin styrkleika.
• Lifa sáttur við sjálfan sig og aðra.
• Eiga góð samsktpti við aðra.