ALÞV2BA05 - Alþjóðaviðskipti

Áfanginn miðar að því að auka skilning nemandans á mikilvægi alþjóðasamskipta á tímum hnattvæðingar. Fjölbreytileiki alþjóðaviðskipta er kynntur og áhersla lögð á að skoða hvernig menning ólíkra þjóða hefur mótað viðskiptastefnu þeirra. Helstu viðskiptalönd Íslendinga kynnt og aukið vægi Asíu markaðar metið í alþjóðaviðskiptum. Starfsemi alþjóðastofnana sem grundvallast á milliríkjasamningum er skoðuð svo og utanríkisstefna Íslendinga og þátttaka í fjölþjóðastarfi.

Nemandi skal hafa öðlast þekkingu og skilning á:

• Helstu viðskiptalöndum Íslendinga.
• Helstu iðnríkjum heimsins.
• Helstu fjölþjóðastofnunum heimsins.
• Helstu áhrifum hnattvæðingar.
• Margbreytilegum aðstæðum ólíkra ríkja.
• Mikilvægi viðskiptasamninga eftir landfræðilegri legu ríkja

Nemandi skal hafa öðlast leikni í að:

• Taka þátt í og skipuleggja krefjandi verkefni.
• Greina undirstöðuatriði alþjóðasamskipta.
• Tjá sig um viðskiptastefnu Íslendinga.
• Tjá sig um utanríkisstefnu Íslendinga.
• Tjá sig um menningarmun þjóða.

Nemandi skal geta hagnýtt þá almennu þekkingu og leikni sem hann hefur aflað sér til að:

• Gagnrýna alþjóðastofnanir.
• Gagnrýna viðskiptastefnu þjóðar.
• Rökstyðja mikilvægi alþjóða samvinnu.
• Greina tækifæri með viðskiptasamningum.
• Skipuleggja alþjóðasamskipti með netmiðlum.
• Bera saman menningarstefnur þjóða.