MATR1FB03 - Matreiðsla á framhaldsskólabrú

Markmið áfangans er að nemandi kynnist og þjálfist í helstu vinnureglum við að matbúa einfaldan heimilismat. Farið er yfir grunnreglur um vinnuaðferðir, hollustuhætti og hreinlæti, vélar og tæki. Nemandi lærir að setja saman matseðil/máltíð.

Nemandi skal hafa öðlast þekkingu og skilning á:

• Algengustu matreiðsluaðferðum.
• Kröfum um hreinlæti í eldhúsi.
• Helstu áhöldum og tækjum í eldhúsi.
• Hráefni, næringargildi og hollustu.
• Kröfum um viðeigandi fatnað persónulegt hreinlæti í eldhúsi.

Nemandi skal hafa öðlast leikni í að:

• Fylgja uppskriftum og leiðbeiningum.
• Tjá sig um og lýsa aðferðum, og eiginleikum rétta.
• Viðhafa persónulegt hreinlæti og almenna kurteisi.
• Nota áhöld, vélar og tæki í eldhúsi.

Nemandi skal geta hagnýtt þá almennu þekkingu og leikni sem hann hefur aflað sér til að:

• Velja og greina viðeigandi hráefni og matreiðsluaðferðir í uppskriftum.
• Velja viðeigandi áhöld og tæki eftir því sem við á.
• Halda sjálfum sér og vinnuplássi sínu hreinu.
• Draga áliktanir af mistökum við matreiðslu og greina lausnir.

Undanfari: Enginn.