LOVE3CA03 - Lokaritgerð

Vinna við rannsóknarverkefni/heimildaritgerð. Nemendur vinna með heimildir, ritgerðaskrif og uppsetningu og frágang ritgerða. 

Nemandi skal hafa aflað sér þekkingar og skilnings á:

• Helstu reglum um heimildanotkun og skráningu í samræmi við APA kerfið.
• Heimildaskráningu í WORD.
• Helstu hugtökum sem tengjast gerð heimilda/rannsóknaritgerðar eða skýrslu.
• Mismunandi tegundum heimilda.
• Helstu aðferðum við úrvinnslu og mat á gögnum og heimildum.
• Helstu aðferðum við framsetningu efnis forritum og hjálparsíðum ýmis konar.

Nemandi skal hafa öðlast leikni í:

• Skipuleggja verkefnið með ábyrgum og sjálfstæðum hætti.
• Afla sér fjölbreyttra og fræðilegra heimilda um efnið.
• Beita viðurkenndum reglum um meðferð og úrvinnslu heimilda.
• Nota fræðileg vinnubrögð við úrvinnslu gagna úr rannsóknum.
• Nota fræðileg vinnubrögð við heimildaritgerðasmíð.
• Koma efni á framfæri á vel uppbyggðan, skýran og greinargóðan hátt.
• Lesa fræðilegan texta á íslensku og/eða erlendu tungumáli.
• Nota ýmsar hjálparsíður og forrit við heimilda/rannsóknaritgerðasmíð.

Nemandi skal geta hagnýtt þá þekkingu og leikni sem hann hefur aflað sér til að:

• Skipuleggja vinnutíma sinn.
• Leggja fram niðurstöður sínar á aðgengilegan og skýran hátt.
• Koma hugmynd í búning fræðilegrar ritgerðar/skýrslu.

Undanfari: ÍSLE3CA05 - áfangi tekinn á lokaönn.