JARÐ3CA05 - Jarðfræði Íslands

Í áfanganum er lögð áhersla á að nemendur öðlist dýpri skilning á jarðfræði Íslands, sérstaklega hvað varðar eldvirkni landsins, bergtegundir, jökla og jarðskorpuhreyfingar. Lagt er upp úr því að nemendur setji þekkingu sína í samhengi við eldvirkni og flekarek á heimsvísu. Þá kynnast nemendur meðhöndlun jarðskjálftagagna, greina bergtegundir og fá þjálfun í notkun jarðfræðikorta. Helstu efnisatriði eru:

• Þróun hugmynda um rek jarðskorpufleka.
• Ísland og landrek, segultímatal.
• Jarðskjálftar og jarðskjálftamælingar.
• Steindir og greining steinda.
• Bergtegundir og greining þeirra.
• Uppruni kviku og mismunandi kvikugerðir.
• Eldvirkni á Íslandi.
• Eldstöðvakerfi.
• Helstu gerðir eldgosa.
• Jarðfræðikort og loftmyndir.
• Jöklar, jökulskrið og mismunandi gerðir jökla.

Nemandi skal hafa öðlast þekkingu og skilning á:

• Hugmyndum um þróun kenninga um rek jarðskorpufleka.
• Hugmyndum um landrek á Íslandi.
• Mismunandi gerðum jarðskjálftabylgja.
• Mismunandi bergmyndunum.
• Steindum og bergtegundum.
• Mismunandi kvikugerðum.
• Mismunandi gerðum eldgosa.
• Helstu eldstöðvakerfum landsins.
• Greiningu eldstöðvar til bergraðar.
• Helstu gerðum jökla.
• Einkennum framhlaupsjökla.

Nemandi skal hafa öðlast leikni í að:

• Nota gögn frá jarðskjálftamælum til að staðsetja jarðskjálfta.
• Nota gögn frá jarðskjálftamælum til að reikna út stærð jarðskjálfta.
• Greina bergtegundir og holufyllingar.
• Teikna holufyllingabelti.
• Nota segultímatal til aldursgreininga.
• Nota jarðfræðikort til að greina aldur og gerð bergs.
• Nota höggunarkort til að greina höggun, aldur og eldvirkni.
• Nota loftmyndir til að greina jarðfræðileg fyrirbæri.

Nemandi skal geta hagnýtt þá almennu þekkingu og leikni sem hann hefur aflað sér til að:

• Tengja saman mismunandi kvikugerðir, storknunarstað og bergtegundir.
• Yfirfæra bóklega þekkingu yfir á það sem sjá má í náttúrunni til dæmis í vettvangsferðum.
• Bera saman mismunandi eldstöðvakerfi.
• Bera saman mismunandi gerðir eldgosa.