ÍSLE2BB05 - Goðafræði, málsaga og ritun

Grunnþættir: Læsi, sköpun. Í áfanganum er lögð áhersla á menningararfinn, bæði bókmenntir og sögu tungumálsins og orðaforðans. Kennd verður meðferð heimilda og haldið áfram með byggingu ritgerða. Nemendur þjálfaðir í ritun og endursögn stuttra texta og í að flytja verkefni munnlega í tímum. Unnið með orðaforða íslenskunnar, málvöndun og málstefnu. Gylfaginning, Skáldskaparmál og Völuspá eru lesin í áfanganum ásamt völdum vísum úr Hávamálum. Unnið er með textana á margvíslegan hátt og þeir tengdir nútímanum. Frumkvæði, ábyrgð og sjálfstæð vinnubrögð eru höfð að leiðarljósi.

Nemandi skal hafa öðlast þekkingu og skilning á:

• Bókmenntum og heimsmynd miðalda.
• Málsögu og sögu orðaforðans.
• Byggingu ritgerða og meðferð heimilda.

Nemandi skal hafa öðlast leikni í að:

• Draga saman og nýta upplýsingar úr ýmiss konar heimildum og flétta saman við eigin viðhorf og ályktanir á heiðarlegan hátt.
• Nýta heimildir á réttan hátt við eigin ritsmíðar.
• Flytja af öryggi ræður, endursagnir, lýsingar og kynningar á tilteknum málefnum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Tengja nútímaverk við fornan menningararf, menningarheim og eigin veruleika.
• Skrifa heimildaritgerð.
• Skilja og ræða mikilvægi tungumáls fyrir samfélag og þjóðir.

Undanfari: ÍSLE2BA05.