ÍSLE2BA05 - Bókmenntir og ritun

Grunnþættir: Læsi, lýðræði og mannréttindi. Í þessum áfanga er lögð áhersla á læsi, ritun, tjáningu, sköpun og málnotkun, lestur mismunandi texta s.s. blaðagreina, ljóða, skáld- og smásagna og fjölbreytta úrvinnslu. Nemendur skiptast á skoðunum, rökræða og tjá sig jafnt munnlega sem skriflega. Lögð er áhersla á lesefni sem eykur orðaforða og glæðir málvitund og unnið með málsnið og málnotkun. Nemendur þjálfist í ritun texta af ýmsu tagi með áherslu á byggingu og frágang ritaðs máls, að nota fjölbreytt orðalag og æfi sig í notkun hjálpargagna. Nemendur kynnist grunnhugtökum bókmenntafræðinnar, myndmáli og bragfræði, þjálfist í beitingu þeirra við greiningu, túlkun og sköpun texta. Frumkvæði, ábyrgð og sjálfstæð vinnubrögð eru höfð að leiðarljósi.

Nemandi skal hafa öðlast þekkingu og skilning á:

Helstu hugtökum og reglum sem gilda um ritsmíðar.
Ýmiss konar orða - og handbókum og gagnlegum vefsíðum um mál og málnotkun.
Orðaforða sem nægir til að skilja íslenskt nútímamál.
Mismunandi tegundum bókmennta og grunnhugtökum bókmenntafræði.
Mismunandi tegundum texta og málsniði.

Nemandi skal hafa öðlast leikni í að:

Nota viðeigandi hjálpargögn við frágang ritsmíða.
Kynna verkefni sín munnlega.
Nota blæbrigðaríkt og viðeigandi mál í ræðu og riti.
Lesa sér til gagns og gamans bókmenntaverk og nytjatexta og fjalla um efni þeirra.
Rita rökfærsluritgerðir þar sem hann beitir gagnrýninni hugsun og kemur skoðunum sínum á framfæri.

Nemandi skal geta hagnýtt þá almennu þekkingu og leikni sem hann hefur aflað sér til að:

Auka og styrkja eigin orðaforða og málhæfni t.d. með því að nýta sér hjálpargögn.
Taka þátt í málefnalegum umræðum, byggja upp skýra röksemdarfærslu, tjá afstöðu og efasemdir um efnið og komast að niðurstöðu.
Skrifa ritgerð þar sem hann kemur skoðunum sínum á framfæri á greinargóðan hátt.
Vinna að skapandi verkefnum í tengslum við námsefnið.
Lesa texta, greina þá og túlka út frá hugtökum bókmenntafræðinnar.

Undanfari: Einkunnin B, B+ eða A úr grunnskóla.