ÍSLE1AA00 - Grunnur í íslensku

Í þessum áfanga er lögð áhersla á læsi, ritun, tjáningu, sköpun og málnotkun. Nemendur hvattir til að lesa sér til ánægju og sjálfstraust þeirra eflt. Lögð er áhersla á lesefni sem vekur áhuga. Nemendur þjálfist í ritun texta af ýmsu tagi og æfi sig í notkun hjálpargagna við ritun. Frumkvæði, ábyrgð og sjálfstæð vinnubrögð höfð að leiðarljósi.

Nemandi skal hafa öðlast þekkingu og skilning á:

• Helstu reglum sem nýtast í tal og ritmáli.
• Orðaforða umfram það sem tíðkast í talmáli.
• Nokkrum tegundum bókmennta og nytjatexta.
• Ýmiss konar hjálpargögnum og gagnlegum heimasíðum um mál og málnotkun.

Nemandi skal hafa öðlast leikni í að:

• Skrifa fjölbreyttan texta í samfelldu máli með skýrri framsetningu.
• Notkun viðeigandi hjálpargagna við frágang ritsmíða.
• Blæbrigðaríku og viðeigandi máli í ræðu og riti.
• Draga saman aðalatriði úr ýmsu efni og leita sér upplýsinga og nýta sér þær til gangs.
• Taka saman og flytja stuttar endursagnir, lýsingar og kynningar á afmörkuðu efni.
• Lesa sér til gangs og gamans.

Nemandi skal geta hagnýtt þá almennu þekkingu og leikni sem hann hefur aflað sér til að:

• Semja stutta texta með viðeigandi málfari.
• Bæta einföldum blæbrigðum í málnotkun til að forðast einhæfni og endurtekningar.
• Halda uppi samræðum og rökstyðja eigin skoðanir á málefnalegan hátt.
• Túlka og tjá sig um mismunandi efni.
• Auka og styrkja eigin orðaforða og málhæfni t.d. með því að nýta sér hjálpargögn.
• Vinna að skapandi verkefnum í tengslum við námsefnið.

Undanfari: Einkunnin C+ eða C úr grunnskóla. Einingar teljast ekki til stúdentsprófs.