- Brautir
- Áfangar
- Reglur
- Eldri námsleiðir
- Alþjóðabraut - síðasta innritun 2018
- Félagsgreinabraut - nemendur fæddir 2004 og fyrr
- Opin braut - nemendur fæddir 2004 og fyrr
- Raungreinabraut - nemendur fæddir 2004 og fyrr
- Viðskipta- og hagfræðibraut - Nemendur fæddir 2004 og fyrr
- Framhaldsskólabraut - Nemendur fæddir 2004 og fyrr
- Stúdentsbrautir til 2015
- Námsskrá til 2015
FERÐ2BA05 - Ferðalandafræði Íslands
Í áfanganum er lögð áhersla á helstu þætti sem einkenna ferðaþjónustu sem atvinnugrein hér á landi. Fjallað er almennt um aðdráttarafl og áfangastaði í ferðaþjónustu, ferðamanninn og þarfir hans og þá með áherslu á erlenda ferðamenn á Íslandi. Einnig er fjallað um stjórnskipulag í ferðaþjónustu , fjölbreytileika starfa og hlutverk menningar fyrir atvinnugreinina. Sérstaklega er svo farið yfir áhrif ferðamennsku á umhverfi, á samfélög og á hagkerfi áfangastaða. Markmið áfangans er að opna augu nemandans fyrir því umhverfi sem starfsfólk í ferðaþjónustu starfar við og kynna helstu viðfangsefni þeirra auk þess að fjalla með fjölbreyttum hætti um framboð á ferðaþjónustu og ferðamannastöðum á Íslandi.
Nemandi skal hafa öðlast þekkingu og skilning á:
- Helstu hugtökum ferðaþjónustunnar.
- Eðli aðdráttarafla og áfangastaða í ferðaþjónustu.
- Ferðamanninum, þörfum hans og væntingum og hvernig má mæta þeim.
- Fjölbreyttum atvinnumöguleikum innan greinarinnar.
- Íslandi sem áfangastað í ferðaþjónustu.Starfsemi ferðaþjónustunnar sem atvinnugrein og á stjórnsýslu greinarinnar.
- Áhrifum ferðaþjónustu á íslenskt samfélag og á náttúru landsins.
Nemandi skal hafa öðlast leikni í að:
- Beita algengustu hugtökum í ferðaþjónustu.
- Tjá sig um ýmis málefni tengd atvinnugreininni.
- Mynda sér skoðanir á málefnum ferðaþjónustunnar á gagnrýnan hátt.
- Nota handbækur, bæklinga, heimasíður og aðra miðla sem í boði eru til að afla upplýsinga um ferðaþjónustu á Íslandi.
- Lesa úr landakortum, rafrænum kortum og nota ferða- og bókunarsíður fyrir ferðaþjónustu.
Nemandi skal geta hagnýtt þá almennu þekkingu og leikni sem hann hefur aflað sér til að:
- Eiga skýr og skilmerkileg samskipti byggða á skilningi við aðila innan ferðaþjónustunnar.
- Skipuleggja stutt ferðalög um Ísland með hjálp korta og ferðasíða.
- Hagnýta sér fræðitexta og meta gæði heimilda og upplýsinga er varða atvinnugreinina.
- Stunda áframhaldandi nám í ferðafræðum þar sem áfanginn veitir grunnþekkingu á eðli atvinnugreinarinnar.
Undanfari: Enginn.
Námsmat: Símat.