ENSK3CA05 - Enska fyrir sjálfstæðan notanda, b2/c1

Unnið með fjölbreytilegt lestrarefni, t.d. bókmenntaverk, tímarit og dagblöð. Unnið markvisst með almennan og sérhæfðan orðaforða. Áhersla á að auka skilning á bókmenntaverkum. Sérstök áhersla á skipulega framsetningu hugmynda í rituðu og töluðu máli. Aukin áhersla á sjálfstæð vinnubrögð nemenda.

Nemandi skal hafa öðlast þekkingu og skilning á:

• Tileinka sér hagnýtan og þverfaglegan orðaforða til markvissrar notkunar í námi á efri þrepum (miðað við Academic Word List og Word Frequency Lists).
• Tileinka sér reglur um mismunandi textagerð og skipulag texta í ritun.
• Tileinka sér réttar aðferðir við lestur flókinna rauntexta og bókmenntatexta.

Nemandi skal hafa öðlast leikni í að:

• Nota og skilja fréttatengt efni og og geta fylgst með umræðum um málefni líðandi stundar.
• Taka þátt í samræðum af nokkru öryggi og tjá sig á skipulegan, samfelldan hátt.
• Skilja rauntexta og samtímabókmenntir.
• Skrifa skýran, nákvæman texta á skipulegan hátt.

Nemandi skal geta hagnýtt þá almennu þekkingu og leikni sem hann hefur aflað sér til að:

• Túlka og lesa fjölbreytilegt lesefni, t.d. bókmenntatexta og greinar úr fagbókum og tímaritum.
• Tjá sig á skipulegan, rökrænan og samfelldan hátt í rituðu og töluðu máli.
• Gera grein fyrir skoðunum sínum í ræðu og riti.