ENSK1AA00 - Almennur orðaforði, málnotkun og ritun

Í þessum áfanga eru undirstöðuatriði í ensku rifjuð upp til að nemandi geti tekist á við nám í faginu á framhaldsskólastigi. Unnið með markvissar málfræði- og orðaforðaæfingar. Áhersla er lögð á vandlegan lestur texta, bæði bókmenntatexta og texta almenns eðlis. Skilningur á töluðu máli er þjálfaður með hlustun á rauntexta. Nemendur eru þjálfaðir í að tjá sig með viðeigandi orðalagi um almenn efni á ensku. Ritun er þjálfuð með fjölbreyttum æfingum þar sem áhersla er lögð á að skrifa texta á skipulagðan hátt og skipta í efnisgreinar. 

Nemandi skal hafa öðlast þekkingu og skilning til að:

• Greina grunnreglur í enskri málfræðibæta við grunnorðaforða (upp í 2000 orð miðað við Word Frequency Lists).
• Skilja almenna rauntexta og einfalda bókmenntatexta.
• Skilja almenna rauntexta í útvarpi og sjónvarpi. 

Nemandi skal hafa öðlast leikni í að:

• Beita grunnreglum enskrar málfræði í tali og ritun.
• Skrifa samfelldan texta og skipta eigin texta í viðeigandi málsgreinar.
• Tjá sig um almenn málefni með viðeigandi orðalagi, munnlega og skriflega.
• Lesa almenna rauntexta og einfalda bókmenntatexta.
• Byggja upp og bæta við sinn orðaforða með mismunandi aðferðum. 

Nemandi skal geta hagnýtt þá almennu þekkingu og leikni sem hann hefur aflað sér til að:

• Vinna á fjölbreyttan hátt með almenna rauntexta og einfalda bókmenntatexta.
• Nýta grunnorðaforða í tal- og ritmáli.
• Taka þátt í almennri umræðu á ensku.
• Geta sjálfstætt aukið orðaforða sinn. 

Undanfari: Einkunnin C+ eða C úr grunnskóla. Einingar teljast ekki til stúdentsprófs.

Námsmat: Símat.