BÓKF3CA05 - Bókfærsla III

Meginhluti áfangans felst í gerð og greiningu ársreikninga. Farið er í lög um ársreikninga og reglugerð um framsetningu og innihald ársreikninga. Áhersla er lögð á uppsetningu rekstrar- og efnahagsreiknings í samræmi við lög um ársreikninga. Farið er í gerð fjárstreymisyfirlita, sjóðstreymis og fjármagnsstreymis. Ársreikningar eru túlkaðir með kennitölum. Nemendum er kynntur mismunur á uppgjöri samkvæmt góðri reikningsskilavenju og uppgjöri samkvæmt skattalögum.

Nemandi skal hafa öðlast þekkingu og skilning á:

• Lögum um ársreikninga.
• Reglugerð um framsetningu og innihald ársreikninga.
• Þekki til fjármagnsstreymis.
• Hafi kynnt sér ársskýrslur fyrirtækja.
• Þekki til áritunar og skýringa í ársreikningi.

Nemandi skal hafa öðlast leikni í að:

• Setja upp rekstrar- og efnahagsreikning.
• Gera sjóðsstreymi.
• Nota og túlka helstu kennitölur ársreikninga.

Nemandi skal geta hagnýtt þá almennu þekkingu og leikni sem hann hefur aflað sér til að:

• Geta beitt aðferðum reikningsskila til uppsetningar á einföldum ársreikningum.
• Skýra og skilgreina mismunandi hugtök reikningsskila.
• Leggja mat á og túlka ársreikninga.

Undanfari: BÓKF2BA05.

Námsmat: Símat.