AFRK3CA05 - Afreksíþróttir V

Fimmti áfangi á Afrekssviði Menntaskólans í Kópavogi. Náminu er skipt í bóknámshluta og verklegan hluta. Í bóknámi kynnast nemendur ýmsum þáttum sem skipta máli fyrir afreksíþróttafólk og vinna verkefni því tengdu. Í verklegu námi fara nemendur ýmist í tíma í sinni íþrótt eða í styrktarþjálfun samkvæmt áætlun frá fagstjóra. Meiddir nemendur mæta hjá sjúkraþjálfara í Sporthúsinu á miðvikudögum kl. 10.00 – 11.00. Nemendur sem skila ekki inn öllum verkefnum verða að taka lokapróf.

Nemandi skal hafa öðlast þekkingu og skilning á:

• Nemendur læra um helstu strauma og stefnur í afreksþjálfun.
• Ímynd íþróttafólks og samfélagslegu hlutverki.
• Hvernig eigi að koma fram í fjölmiðlum.
• Samningatækni.
• Hví það sé mikilvægt að tvinna saman nám og íþróttir.  

Nemandi skal hafa öðlast leikni í að:

• Nemendur sýni af sér stundvísi, virðingu og aga í hvívetna.
• Að nemendur vinni að því að auka leikni sína í sinni íþrótt í verklegum tímum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Miðað er við að íþróttafólk á afrekssviði sé virkt í starfi íþróttafélaga og fái meðmæli þaðan.