Gönguleiðsögn - Vorönn
Nemendur fá kennslu og þjálfun í að fara með ferðamenn í lengri og styttri gönguferðir en einnig fá þeir þjálfun í leiðsögn í rútu. Nemendur fara í sólarhrings rötunarferð, helgarnámskeið í vetrarferðamennsku og ferðamennsku á jöklum (ath nemendur þurfa sjálfir að koma sér á námskeiðsstað) auk æfingar í að vaða straumvötn. Nemendur fara í nokkrar gönguferðir á eigin vegum. Náminu lýkur með 5 daga bakpokagönguferð um óbyggðir þar sem nemendur skiptast á að leiðsegja. Í ferðinni er gist í tjöldum.
Nemendum í gönguleiðsögn er eindregið ráðlagt að taka skyndihjálparnámskeiðið Wilderness First Responder.
Þeir sem hyggjast stunda nám í gönguleiðsögn þurfa að hafa mikla reynslu af gönguferðum um óbyggðir og vera í góðu líkamlegu formi.
Áfangar sem tilheyra gönguleiðsögn
Heiti áfanga (einingar) Skammstöfun áfanga
- Ferðamennska (2) FEM102
- Hópstjórn - samskipti (1) HÓS101
- Svæðalýsingar (6) SVÆ112, SVÆ114
- Skyndihjálp (1) SKY201
- Vettvangsnám II (5) VEV115
- Veðurfræði - jöklar (1) VOJ101
- Fjallamennska 1 og 2 (2) FJM101, FJM201
- Val 2 einingar
Samtals 20 einingar