FATA1AA05 - Fatasaumur

Nemendur læra á saumavél, sauma prufur og einfaldar flíkur. Nemendur læra að taka upp tilbúin snið úr saumablöðum. Kennt að taka mál og framkvæma einfaldar snið­breytingar og sniðútfærslur á grunnsniðum út frá eigin hugmyndum. Unnið er með hugmyndamöppur sem innihalda vinnuáætlanir og vinnulýsingar fyrir hvert verkefni, auk þess fá nemendur þjálfun í að koma hugmyndum sínum til skila í tískuteikningum og sniðteikningum. Lögð er áhersla á að gera nemendum grein fyrir hvernig hægt er að breyta gömlum flíkum og gera nýjar flíkur úr gömlum með því að huga að sjálfbærni.

Nemandi skal hafa öðlast þekkingur og skilning á:

  • Þróun frá hugmynd að fullunninni flík.
  • Hvernig saumavél vinnur.
  • Notagildi ólíkra sporgerða og saumavélanála.
  • Helstu atriðum sem hafa þarf í huga við val á sniðum og efnum.
  • Mikilvægi hönnunarvinnu til að fá sem besta útkomu.

Nemandi skal hafa öðlast leikni í að:

  • Nota saumavél við einfaldan saumaskap.
  • Taka mál og nýta til að ákveða sniðastærð útfrá máltöflum.
  • Taka upp snið og gera einfaldar sniðbreytingar.
  • Leggja snið á efni meta stærð saumfara og klippa.
  • Koma hugmyndum sýnum til skila í einfaldri tískuteikningu og/eða sniðteikningu.

Nemandi skal geta hagnýtt þá almennu þekkingu og leikni sem hann hefur aflað sér til að:

  • Sauma einfaldar en einstakar flíkur og viðhafa vönduð vinnubrögð.
  • Gera vinnulýsingu og vinnuáætlun við skipulagningu og framvindu verksins.
  • Áætla magns efnis útfrá efnisbreidd og sniði.
  • Nýta sér handbækur og fagblöð og kunna skil á hugmyndavinnu.
  • Meta gæði handverks og efna á tilbúnum fatnaði.

Undanfari: Enginn.

Námsmat: Sjá kennsluáætlun.