BOL102 - Bókmenntir og listir
Í áfanganum er lagður grunnur að þekkingu á bókmenntum og listgreinum á Íslandi. Fjallað er um helstu skeið og stefnur í íslenskri bókmenntasögu. Sérstök áhersla er lögð á fornbókmenntir, s.s. Íslendingasögur og eddukvæði og það samfélag sem slíkar bókmenntir spruttu úr. Skoðuð eru tengsl bókmennta og samfélags í aldanna rás og staða þeirra í nútímasamfélagi. Kynntar eru helstu listgreinar, s.s. byggingarlist, myndlist, höggmyndalist, silfursmíði, útskurður, tónlist, leiklist, listdans og kvikmyndagerð. Lögð er áhersla á að sýna fram á tengsl listsköpunar á Íslandi við verkmenningu, siði og lífskjör þjóðarinnar. Jafnframt er fjallað um helstu söfn landsins og hvernig þau nýtast í ferðum um landið.
Markmið
Nemandi geti frætt um
- innihald íslenskra fornbókmennta
- munnlega geymd eddukvæða og dróttkvæða
- íslenskt ritmál og fyrstu rit á íslensku
- bókagerð og bókaútgáfu
- Íslendingasögur, kenningar um tilurð og gildi þeirra fyrir Íslendinga
- þýðingar og útgáfu Biblíunnar á íslensku
- nútímabókmenntir
- rímur og þátt þeirra í íslensku þjóðlífi
- íslenskan heimilisiðnað
- þróun helstu listgreina sem hér eru stundaðar, s.s. byggingarlist, myndlist, höggmyndalist, silfursmíði, útskurð, tónlist, leiklist, listdans og kvikmyndagerð
- listahátíðir á Íslandi
- kynningar á íslenskum listgreinum erlendis
- tengsl verkmenningar og listsköpunar í tímans rás