Menntaskólinn í Kópavogi - Menntaskólinn í Kópavogi

Skuggakosningar 2017

Skuggakosningar fóru fram í MK í dag. Á Tyllidögum komu frambjóðendur og kynntu sín málefni og spurðu nemendur margra góðra spurninga.

Uppfært fimmtudagur, 12 október 2017 21:27

Ferðalag um söguslóðir

Fjörutíu og fimm nemendur í grunnáfanga í sögu fóru þann 6. október á söguslóðir með Óla og Stefáni. Þau fóru á Þingvelli, Skálholt, skoðuðu rjómabúið á Baugsstöðum og á byggðasafn Árnesinga á Eyrarbakka.

Fleiri myndir úr ferðinni má sjá á Fésbókarsíðu MK. 

Uppfært sunnudagur, 08 október 2017 17:52

Nemendur bjóða í kvöldmat

Miðvikudaginn 4. október bauð hópur nýnema foreldrum sínum og kennurum í matarboð í þjónarými MK undir leiðsögn Silju, Þyrnis og Hildar Guðrúnar. Það var saddur og sæll hópur sem þakkaði fyrir sig eftir frábæra veislu. 

Þessar myndir voru teknar við þetta tækifæri. Fleiri myndir má finna á Fésbókarsíðu MK. 

Uppfært sunnudagur, 08 október 2017 17:37

Ferð á Njáluslóðir

Nemendur í íslensku fóru á Njáluslóðir. Þessar myndir voru teknar við þetta tækifæri. 

Uppfært sunnudagur, 08 október 2017 17:20

Umhverfisdagar heppnuðust vel

Umhverfisdögum MK lauk á föstudagiinn  21. september með pylsupartýi í anddyri skólans. Stjórnendur gáfu pylsur og nemendafélagið sá um að ylja með góðri tónlist. Guðfinna kennari bjó til dýrindis tómatsúpu og veglegt grænmetishlaðborð úr grænmeti sem íslenskir grænmetisbændur gáfu af miklu örlæti. Þetta voru 8. umhverfisdagar MK, skipulagðir af umhverfisnefndinni sem núna skipa Laufey, Ása, Aníta og Guðfinna. Nú í ár var þema daganna Þjóðgarðar Íslands. Fulltrúar þjóðgarðanna komu í heimsókn, auk Landgræðslu ríkisins og Ungra umhverfissinna. Fræðslumyndir um umhverfismál voru sýndar, kennarar og nemendur fóru saman í umhverfisgöngur í Kópavogi, auk þess sem kennarar höfðu umhverfismál í deiglunni í sínu fagi. 

Uppfært mánudagur, 25 september 2017 21:01

Umhverfisdagar

Umhverfisdagar MK verða haldnir 18. - 21. september. Umhverfisdagar eru árlegur viðburður í skólanum og eru ávallt haldnir nálægt 16. september, degi íslenskrar náttúru. Þemað 2017 er þjóðgarðar á Íslandi.

Dagskrá umhverfisdaganna má nálgast undir þessum tengli.

Uppfært sunnudagur, 17 september 2017 21:21

Hjólum í skólann

Taktu þátt í Hjólum í skólann

Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu eða hjólreiðar. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.

Leyfilegt er að nýta allan virkan ferðamáta: 

• Hjólreiðar (líka rafmagnsreiðhjól þar sem þarf að stíga með)
• Ganga 
• Hlaup
• Línuskautar, hjólabretti
• Almenningssamgöngur (þá er skráð sú vegalengd sem gengin er eða hjóluð til og frá stoppustöð)
• Annað sem felur í sér virkan ferðamáta

Allir geta tekið þátt í verkefninu og oftar en ekki þarf bara svolítið ímyndunarafl þar sem skipulag sumra skólahverfa getur gert gönguferðir erfiðar og sumir nemendur þurfa að fara langa leið til að komast í skólann. Ef nemendur eiga erfitt með að komast gangandi til skóla geta þeir samt tekið þátt í verkefninu á einn eða annan hátt. T.d. með því að fara í gönguferð saman áður en kennsla hefst að morgni eða með því að nota hádegi eða löngu frímínútur til þess.

(Tekið af vefnum: Hjólum í skólann)

Taktu mynd af þér í þinni hreyfingu og sendu á This email address is being protected from spambots. You need JavaScript enabled to view it. þá ertu kominn í vinningspott sem dregið verður úr í byrjun október.

Uppfært miðvikudagur, 13 september 2017 20:26