Menntaskólinn í Kópavogi - Menntaskólinn í Kópavogi

Val fyrir vorönn 2017

Vikuna 17. – 21. október fer fram áfangaval fyrir vorönn 2017.

Nemendur sem eru fæddir 1999 og 2000 og þeir nemendur sem eru á fyrstu önn í MK eiga að velja þá áfanga sem þeir ætla að taka á vorönn hjá/í samráði við sína umsjónarkennara.

Aðrir nemendur geta leitað til námsráðgjafa, námsstjóra eða áfangastjóra í V-holi alla næstu viku frá 9:20 – 13:45.

Allar upplýsingar varðandi valið eru á heimasíðunni undir Val fyrir vorönn 2017.

Uppfært föstudagur, 21 október 2016 11:07

Jarðfræðiferðir

Dagana 13. og 14. okóber voru fjórir hópar nemenda úr MK á ýmsum stöðum að skoða jarðfræði Íslands.

Farið var um Heiðmörk þar sem ýmsar hraunmyndanir og fleira merkilegt var skoðað, einnig var ferðast um uppsveitir Suðurlands þar sem meðal annars var stoppað á Þingvöllum. 

Uppfært fimmtudagur, 20 október 2016 13:58

Aðalfundur Foreldrafélags Menntaskólans í Kópavogi

Ágætu foreldrar og forráðamenn nemenda í Menntaskólanum í Kópavogi.

Hér með er boðað til aðalfundar Foreldrafélags Menntaskólans í Kópavogi sem haldinn verður miðvikudaginn 26.október næstkomandi. Mæting við aðalinngang MK (við matsalinn) kl. 17.30.

Farið verður yfir hefðbundna dagskrá ásamt því að hlusta á fyrirlestur sem Anna Sigurðardóttir, sálfræðingur mun halda um einkenni kvíða og þunglyndis hjá ungmennum.

Með bestu kveðju,
Stjórn Foreldrafélags Menntaskólans í Kópavogi

Uppfært miðvikudagur, 19 október 2016 15:19

Bleiki dagurinn

Starfsfólk Menntaskólans mætti að sjálfsögðu í bleiku í dag. 

Uppfært föstudagur, 14 október 2016 14:53

Forvarnardagur framhaldsskóla er í dag

Markmið okkar er að ræða til dæmis: Hverjar eru ástæður þess að ungt fólk byrjar að drekka áfengi? Getum við seinkað því? Aukning í ölvunardrykkju er veruleg milli skólastiga frá grunnskóla til framhaldsskóla.  

Forsenda þess að við getum breytt þessu og bætt líf ungs fólks, ekki bara í grunnskólum, heldur líka í framhaldsskólum eru hugmyndir ykkar og tillögur. Til þess höldum við daginn í dag. Við þurfum að fá ykkur í lið með okkur.

1. Hvað teljið þið að valdi því á fyrsta ári í framhaldsskóla að aukning ölvunardrykkju verður eins og raun ber vitni?
2. Takið þið á einhverjum tímapunkti ákvörðun um hvenær þið ætlið eða ætlið ekki að hefja áfengisdrykkju og þá hvers vegna?
3. Hvað myndi hjálpa ykkur að seinka því að hefja áfengisdrykkju og standa við þá ákvörðun?  

 Sendið hugmyndir ykkar og tillögur á forvarnarfulltrúa MK Helenu Halldórsdóttir, This email address is being protected from spambots. You need JavaScript enabled to view it.  

Uppfært föstudagur, 14 október 2016 14:53

Skuggakosningar hafnar

Skuggakosningar eru hafnar í MK. Allir nemendur geta nú kosið í upplýsingatækniveri skólans. 18 ára og eldri eru í kjördeild 1 en yngri en 18 ára eru í kjördeild 2.

Kjörstaður verður opin frá kl 9:00 til 16:00.

Uppfært fimmtudagur, 13 október 2016 09:38

Skuggakosningar

MK mun taka þátt í átakinu "#Ég kýs" sem er samstarfsverkefni Landssambands æskulýðsfélaga og Sambands íslenskra framhaldsskólanema. Meginmarkmiðið er að efla lýðræðisvitund og hvetja ungt fólk til að kjósa eftir upplýstri ákvörðun með svokölluðum skuggakosningum.

Skuggakosningar (e. Shadow elections) eru kosningar þar sem nemendur framhaldsskólanna fá að segja sína skoðun. Skuggakosningarnar haustið 2016 munu fanga vilja framhaldsskólanemenda um allt land. Kosningarnar fara fram 13. október, en niðurstöður verða gerðar opinberar eftir að kjörstöðum lokar á kjördag alþingiskosninga, 29. október. Það verður spennandi að bera saman niðustöðu úr kosningum unga fólksins og lýðræðislega niðurstöðu þjóðarinnar.

Uppfært föstudagur, 07 október 2016 18:39