Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

#Kvennastarf

Tækniskólinn og Samtök iðnaðarins hafa, í samstarfi við alla iðn- og verkmenntaskóla á landinu, hrundið af stað herferð sem ber nafnið #kvennastarf.

Algengt er að talað sé um „hefðbundin kvennastörf“ Með #kvennastarf er ætlunin að brjóta niður úreltar hugmyndir og benda ungu kynslóðinni á að fyrir bæði kynin eru allar leiðir færar í námi og starfi.

Tilgangurinn er m.a. að vekja athygli á fjölbreyttum störfum í iðn-, tækni- og verkgreinum og benda á þann kynjamun sem hefur viðgengist í sumum starfsstéttum. Í nútímasamfélaginu á Íslandi telja margir að jafnrétti kynjanna ríki á flestum sviðum. En er raunin sú?

Menntaskólinn í Kópavogi er samstarfsaðili herferðarinnar.

Sjá nánar á www.kvennastarf.is

 

Uppfært föstudagur, 10 febrúar 2017 10:42

Gjöf til skólans

Fyrirtækið Fastus og Convotherm gáfu Menntaskólanum í Kópavogi 19 ofna mánudaginn 6. febrúar. Þeir munu endurnýja þá á 4 ára fresti næstu 12 árin. Skólinn er afskaplega þakklátur þessum fyrirtækjum fyrir stuðninginn.

Myndin er tekin við afhendingu ofnanna.  

Afhending gjafar til skólans

Uppfært miðvikudagur, 08 febrúar 2017 13:18

Boðsveit MK á Reykjavíkurleikunum

Drengir sem kepptu í boðhlaupi á Reykjavíkurleikunum

Þeir Gísli Martin, Magni Rúnar, Ari Sigþór og Bjarki Rúnar skipuðu boðsveit MK sem keppti á Reykjavíkurleikunum um helgina.

Strákarnir lentu í öðru sæti á tímanum 1,38,81.

Við óskum þeim innilega til hamingju með árangurinn.

Uppfært mánudagur, 06 febrúar 2017 16:11

Lið MK í Gettu betur

Lið MK í spurningakeppninni Gettur betur

Á myndinni má sjá lið MK sem keppti við lið Kvennaskólans í Reykjavík. Þau stóðu sig með prýði en töpuðu fyrir sterku liði Kvennó. Tveir af þremur liðsmönnum þeirra voru í silfurliðinu í vor. 

Uppfært laugardagur, 04 febrúar 2017 19:07

Spurningakeppni framhaldsskólanna

Gettu betur

Lið Menntaskólans í Kópavogi keppir á kvöld við lið Kvennaskólans í Reykjavík.

Keppnin fer fram í Útvarsphúsinu við Efstaleiti og hefst kl. 19.30.

Uppfært fimmtudagur, 02 febrúar 2017 13:50

Vika í Västerås

Eldsnemma á miðvikudagsmorgun hélt glaðbeittur hópur 24 MKinga í vikulanga heimsókn til nemenda í Rudbeckianska gymnaset í Västerås. Ferðin er styrkt af Nordplus og felur verkefnið í sér gagnkvæm skipti þannig að sænsku gestgjafarnir koma í heimsókn í Kópavoginn í lok mars.

Nemendurnir gista hverjir hjá öðrum, vinna saman að verkefnum í skólanum og fara í alls konar fræðslu- og skoðunarferðir.

Fararstjórar hópsins eru kennararnir Helena Halldórsdóttir og Ólafur Þór Þorsteinsson. Á myndinni má sjá hluta nemendahópsins á undirbúningsfundi sl. mánudag. Við óskum þeim öllum góðrar ferðar og góðrar heimkomu.

Uppfært miðvikudagur, 01 febrúar 2017 22:01

Franska kvikmyndahátíðin 2017

Kvikmyndahátíð stendur yfir frá 27. janúar til 10. febrúar.        

Úrvalið er að venju fjölbreytt og glæsilegt enda Frakkland þriðji stærsti kvikmyndaframleiðandi heims.

Opnunarmyndin er Elle (Hún). Myndin hefur m.a. verið tilnefnd til Gullpálmans á Cannes kvikmyndahátíðinni og til Óskarsverðlauna (Besta leikkona í aðalhlutverki) og unnið til margra verðlauna í ýmsum flokkum (m.a. Golden Globe, Critics‘ Choice). 

Allar myndirnar eru með íslenskum eða enskum texta.

Afsláttur er fyrir alla frönskunemendur, 850 kr.-

Meira um frönsku kvikmyndahátíðina: https://www.smarabio.is/

Amusez-vous bien ! Góða skemmtun!

 

 

Uppfært miðvikudagur, 25 janúar 2017 15:09

Síða 8 af 50

Tengill á facebook

Á dagskrá

Engir atburðir
Go to top