Menntaskólinn í Kópavogi - Menntaskólinn í Kópavogi

Handritasamkeppni kvenna

Eru ekki einhverjir upprendandi handritshöfundar og kvikmyndastjörnur í hópi MK-kvenna? Hér er spennandi tækifæri.

Uppfært þriðjudagur, 04 mars 2014 14:30

Nemendur í MK vekja athygli í Kópavogsblaðinu

Að frumkvæði Auðuns Georgs Ólafssonar, ritstjóra Kópavogsblaðsins hófst nú á vorönn samstarf milli blaðsins og fjölmiðlafræðiáfangans Fjö103 sem Adolf Petersen kennir, þar sem nemendum er gefinn kostur á að skrifa greinar í blaðið. Í tveimur síðustu tölublöðum hafa verið greinar í blaðinu frá nemendum. Í nýjasta tölublaðinu sem kom út núna sl. laugardag er glæsileg grein, nánast heil opna (bls. 12-13) þar sem tveir nemendur, þær Kristín Olga Gunnarsdóttir og Dilja Björk Örvarsdóttir tóku viðtöl við nokkra leikara og aðstandendur söngleiksins Burlesque (Börrlesk) sem leikfélag MK mun sýna á næstunni.

Uppfært þriðjudagur, 04 mars 2014 09:22

Foreldrarölt fyrir ball á fimmtudaginn

Palla ball verður í Turninum á fimmtudagskvöldið 6. mars nk.

Óskað er eftir viljugum foreldrum á rölt milli kl 22-23.30. Foreldrar eru á gangi utandyra meðan nemendur eru að tínast inn og eru nemendum til aðstoðar og fylgjast með að allt fari vel fram.

Það hefur sýnt sig að svona foreldrarölt hefur forvarnargildi. Þeir sem sjá sér fært að mæta vinsamlegast látið Björk Jónsdóttur, formann foreldrafélagsins vita This email address is being protected from spambots. You need JavaScript enabled to view it. strax.

Uppfært þriðjudagur, 04 mars 2014 09:11

Dagskrá jafnréttisviku

Dagana 3.-6. mars er haldin jafnréttisvika í Menntaskólanum í Kópavogi. Kennarar geta þá valið að breyta út af venjubundinni kennslu og sækja fyrirlestra eða kvikmyndasýningar með nemendur sína. 

Hér er dagskrá jafnréttisviku. 

Smellið á myndina til að stækka.

Uppfært föstudagur, 28 febrúar 2014 11:08

Finndu þinn X-factor - námskeið í boði Soroptimista

Soroptimistaklúbbur Kópavogs bauð tuttugu stúlkum úr MK á námskeið sem nefnist Finndu þinn X- faktor. Sjálfstyrking er markmið námskeiðsins og að finna bestu útgáfu af sjálfri sér. Stjórnendamarkþjálfinn Rúna Magnúsdóttir sá um námskeiðið. Við þökkum Soroptimistakonum kærlega fyrir þeirra góða boð. Námskeiðið mun nýtast þátttakendum vel.

Uppfært þriðjudagur, 25 febrúar 2014 15:29

Fyrirtækjaheimsókn í Ölgerðina

Nemendur í valáfanganum Fyrirtækjaheimsóknir fóru í kynningu í Ölgerðina. Þar flutti starfsmaður Ölgerðarinnar fyrirlestur um fyrirtækið og svaraði spurningum nemenda. Síðan var farið í skoðunarferð um framleiðslusali fyrirtækisins sem vakti mikla athygli nemenda. MK þakkar Ölgerðinni fyrir góða kynningu og móttökur.

Meðfylgjandi koma nokkrar myndir úr heimsókninni.

Uppfært fimmtudagur, 20 febrúar 2014 13:27

Vetrarfrí á föstudag og mánudag

Föstudaginn 21. febrúar og mánudaginn 24. febrúar verður vetrarfrí í Menntaskólanum í Kópavogi. 

Uppfært fimmtudagur, 20 febrúar 2014 09:32