Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

Fyrsti hópurinn útskrifast í 3ja ára kerfi til stúdentsprófs

259  nemar útskrifast

Á þessu vori fóru fram tvær útskriftir frá Menntaskólanum í Kópavogi við hátíðlegar athafnir í Digraneskirkju. Alls útskrifuðust 84 stúdentar og 49 iðnnemar. Þá brautskráðust 14 ferðafræðinemar, 43 leiðsögumenn, 13 matsveinar, 39 úr meistaraskóla matvælagreina, 16 af framhaldsskólabraut og 1 af starfsbraut. Þannig  að alls voru brautskráðir 259 nemar frá Menntaskólanum í Kópavogi á þessu vori.

Ný skólanámskrá, 3ja ára framhaldsskóli

Í máli Margrétar Friðriksdóttur, skólameistara, kom fram að sú mikla breyting er að eiga sér stað að skólinn er að breytast úr 4ja ára bóknámsskóla í 3ja ára en þetta vor útskrifast síðasti hópurinn eftir 4ja ára kerfinu og fyrstu sem ljúka námi á 3 árum.

Góður námsárangur

Varaforseti bæjarstjórnar, Ása Richardsdóttir afhenti útskriftarnemum viðurkenningar úr Viðurkenningarsjóði MK sem stofnaður var af bæjarstjórn Kópavogs árið 1993. Fimm nemar hlutu viðurkenningu að þessu sinni: Nýstúdent Viktor Brynjarsson, Guðmundur Axel Blöndal, Alexandra Friðfinnsdóttir, Elías Maggi Sigurðsson og nýsveinninn Hilmar Örn Hafsteinsson.

 

Uppfært föstudagur, 25 maí 2018 20:40

Prófsýning vor 2018

Prófsýning verður mánudag 28. maí kl. 11 – 13. Við hvetjum nemendur til að koma og skoða prófin og ræða við kennarana sína. 

 

Uppfært föstudagur, 25 maí 2018 20:39

Útskrift vor 2018

Útskrift stúdenta og iðnsveina verður í Digraneskirkju í dag 25. maí kl. 14. Skrifstofa skólans verður lokuð frá 12:00.

Uppfært föstudagur, 25 maí 2018 11:29

Umfjöllun um matsveina- og matartæknanámið

Laugardaginn 19. maí var glæsileg umfjöllun í Fréttablaðinu um matsveina- og matartæknanámið í MK. 

Rætt er við Guðlaugu Ragnarsdóttur fagstjóra deildarinnar, matráðinn okkar Ernestu Cibulskiené sem útskrifast sem matartæknir 24. maí næstkomandi og Einar Hrein Ólafsson sem útskrifaðist sem matartæknir síðastliðinn desember. Greinina má finna hér

Uppfært miðvikudagur, 23 maí 2018 12:04

Norræna nemakeppnin

Nemar í framreiðslu og matreiðslu unnu til gull- og silfurverðlauna í Norrænu nemakeppninni í Kaupmannahöfn á dögunum.

Forsetahjónin heiðruðu nemana með móttöku á Bessastöðum sunnudaginn 13. maí. Í framreiðslu kepptu þeir Sigurður Borgar og Axel Árni Herbertsson en þeir fengu gullverðlaunin og í matreiðslu kepptu þeir Hinrik Lárusson og Sveinbjörn Marvin Björnsson en þeir fengu silfur.

Norræna nemakeppnin í framreiðslu og matreiðslu hefur verið haldin árlega í 32 ár og er keppnin haldin til skiptis á Norðurlöndunum og á Íslandi á fimm ára fresti. Það er mikill heiður að vera valin til þátttöku í þessari keppni þar sem saman koma efnilegustu nemar allra norðurlandanna og keppa sín á milli.

 

Uppfært þriðjudagur, 15 maí 2018 09:41

Próftafla

Ertu ekki örugglega búin/n að skoða próftöfluna?

Rafræn próf eru undirstrikuð. Stærri útgáfu má sjá hér.

Uppfært föstudagur, 04 maí 2018 15:07

Kópamessa

Miðvikudaginn 4. maí verður haldin Kópamessa í MK. Þá mæta útskriftarnemendur ásamt starfsmönnum í morgunverð sem stendur milli 8:20 og 10:35.

Útskriftarnemendur messa yfir kennurum sínum og kveðja þá með ýmsu móti. Verknámsdeild sér um kræsingarnar að vanda.

Hefðbundin kennsla hefst kl. 10:45. Skrifstofa skólans er lokuð meðan á Kópamessu stendur.

Uppfært fimmtudagur, 03 maí 2018 16:13

Síða 1 af 54

Tengill á facebook

Á dagskrá

Engir atburðir

Hádegismatseðill

Engir atburðir
Go to top