Moodle - MKnet

Inna - upplýsingakerfi skóla

Póstur kennara

Foreldrafélagið - fundur 15. mars 2016

Fundur haldinn 15.mars 2016  kl.17

 

Mættir: Kristín, Pálína, Erna, Svanhildur, Stefanía, Inga (fulltrúar foreldra), Sigrún og Helena (fulltrúar kennara). Birna tilkynnti forföll og var ekki með okkur í dag.

 

Til umræðu var:

1.Stjórn foreldrafélagsins

2.Forvarnarstarf

3.Bankareikningur félagsins

4.Upplýsingar til foreldra

5.Samskipti foreldra/forráðamanna

6.Fyrirlestrar

 

1.Kristín og Pálína hafa verið í forsvari fyrir foreldrafélagið þar sem ekki var kosið í stjórn á aðalfundi í haust. Í dag var skipað í stjórn félagsins. Kristín Laufey Guðjónsdóttir formaður og fulltrúi í skólanefnd, Pálína Sif Gunnarsdóttir gjaldkeri, Erna Jónsdóttir ritari, Birna Sigurðardóttir meðstjórnandi, Svanhildur R. Skarphéðinsdóttir meðstjórnandi, Stefanía Anna Þórðardóttir meðstjórnandi og Inga Þórólfsdóttir meðstjórnandi.

2.Ákveðið var að standa fyrir edrúpotti á árshátíð MK sem verður þann 13.apríl. Framkvæmd edrúpottsins er í höndum kennara og mun skólinn útvega áfengismæla. Þeir nemendur skólans sem kjósa að taka þátt í edrúpottinum munu blása í áfengismæli til að staðfesta það að nemandinn hafi ekki drukkið. Nafn þess sem blæs er sett í edrúpott. Dregið er úr pottinum innan viku frá árshátíð. Vinningaöflun er í höndum foreldra/forráðamanna. Við óskum eftir því að foreldrar/forráðamenn leggi 500 – 1000 kr. inn á söfnunarreikning foreldrafélagsins. Þetta eru frjáls framlög og val hvers og eins. Einnig óskum við eftir öðrum vinningum sem hægt væri að gefa í þennan pott. 

3.Hafa þarf samband við Theodóru fyrrverandi gjaldkera til að fá upplýsingar um bankareikning foreldrafélagsins. Pálína tekur við hlutverki gjaldkera og mun því halda utan um fjáröflun edrúpottsins. 

4.Senda þarf upplýsingar með nöfnum stjórnarmeðlima til Helene Pedersen til að setja upplýsingarnar inn á heimasíðu skólans. Póst sem á að senda til foreldra/forráðamanna þarf að senda á Helene sem sendir póstinn áfram á umsjónarkennara. 

5.Lagt var til að stofna hóp fyrir foreldra á facebook. Senda þarf póst á foreldra varðandi edrúpottinn. Einnig þarf að senda póst fyrir árshátíð varðandi eftirlitslaus partý, manna foreldrarölt og muna að þeir sem fari í röltið hafi með sér svarta ruslapoka fyrir flöskur og dósir. Við viljum skila svæðinu snyrtilegu af okkur. Einnig þarf að minna á það að foreldrar sæki börnin eftir árshátíðina. Senda út stuttu fyrir árshátíð.

6.Kanna þarf hvort MK tilheyri SAMKÓP. Kanna hvort við eigum rétt á styrk til þess að vera með fyrirlestur fyrir foreldra á haustönn. Gætum einnig kannað hvort Kópavogsbær styrkir foreldrafélagið vegna fyrirlestra.

 

 

 

Uppfært miðvikudagur, 30 mars 2016 12:48

Go to top