Moodle - MKnet

Inna - upplýsingakerfi skóla

Póstur kennara

Foreldrafélagið - aðalfundur 16. október 2012

Fundargerð 16.10.2012 

Aðalfundur foreldrafélags Menntaskólans í Kópavogi 16. október 2012 kl. 17:00 

Mættir voru: Arndís Arnardóttir, Guðrún Olgeirsdóttir, Ólöf Pálína Úlfarsdóttir, Úlfar Þór 

Indriðason og Helena Magnúsdóttir forvarnarfulltrúi MK. Fjarverandi: Guðmundur 

Kristinsson og Marteinn Kristjánsson. 

1. Skýrsla stjórnar 

Ólöf Pálína formaður foreldrafélagsins fór yfir það sem foreldrafélagið hefur unnið að 

síðastliðið ár. Má þar nefna bréf til Sýslumanns varðandi skemmtistað í bænum, heilsueflandi 

framhaldsskóla, námssjóðinn og fundarsetu formanns á skólanefndarfundum. Einnig var 

foreldrafélagið tilnefnt af skólanum til Heimilis og skóla og fékk viðurkenningu vegna 

námssjóðsins.

2. Kosning stjórnar 

Fámennt var á aðalfundinum og voru þeir þrír aðilar sem mættu á fundinn auk stjórnar kjörnir. 

Þeir sem hættu í stjórn eru Ólöf Pálína Úlfarsdóttir, Guðmundur Kristinsson og Úlfar Þór 

Indriðason. Þökkum þeim fyrir velunnin störf. 

Nýja stjórn skipa: Guðrún Olgeirsdóttir formaður, Arndís Arnardóttir ritari, Marteinn 

Kristjánsson gjaldkeri, Gunnar Þór Gunnarsson, Sigríður Theodóra Knútsdóttir, og Unnur 

Elva Gunnarsdóttir. 

3. Heilsueflandi framhaldsskóli 

Breytingar á mötuneyti hafa gengið vel og eru kennarar og nemendur ánægðir með þróun 

mála. Það er eldað eftir uppskriftum frá Lýðheilsustöð og úrvalið hefur aukist. Verð fyrir 

máltíð er kr. 790. Nú er verið að koma fyrir vatnshönum í húsið.

4. Forvarnir og skemmtanir 

Helena forvarnarfulltrúi ræddi skemmtanir sem haldnar eru á vegum skólans og vaxandi 

áhyggjur af grasneyslu ungmenna. Hvetjum foreldra til að fylgjast vel með, ræða við börnin 

sín og sækja sér fræðslu varðandi fíkniefni. Ekki eru lengur notaðir áfengismælar á 

skemmtunum. 

5. Sporthúsið 

Það á að vera leiðbeinandi til staðar fyrir MK nemendur. 

6. Námsgagnasjóður 

Það hefur sýnt sig að þörfin er til staðar. Það þarf að senda ítrekunarpóst á foreldra. Einnig að 

kanna hvort hægt sé að koma greiðslunum í heimabanka. Fundarmenn voru sammála um að 

halda sig við 500 kr. Þær bækur sem skildar eru eftir í skólanum eru settar til námsráðgjafa 

sem nýtir þær áfram. Fram kom hugmynd að þeir sem hætta í skólanum gefi bækur sínar til 

skólans.

Uppfært þriðjudagur, 08 október 2013 15:07

Go to top