Moodle - MKnet

Inna - upplýsingakerfi skóla

Póstur kennara

ÍÞR101 Íþróttir

Undanfari: enginn

Í verklegum íþróttaáföngum er áhersla lögð gildi upphitunar og fjölbreyttrar þol- og kraftþjálfunar. Gerðar eru æfingar, farið í stöðvaþjálfun og leiki sem henta almennri líkams- og heilsurækt. Markvisst eru notaðar styrkjandi, liðkandi og mótandi æfingar sem stuðla að bættri líkamsbeitingu. Nemendur fá tækifæri til að mæla og meta eigið þol, kraft og liðleika. Þeir taka þátt í hópleikjum sem efla m.a. kraft, úthald, hraða og samhæfingu og styrkja samstarfshæfileika og jákvæð samskipti þar sem keppt er að ákveðnu marki af drengskap, jafnrétti og háttvísi. Nemendur læra helstu reglur sem gilda í hópleikjum, s.s. í fót-, hand- og körfubolta. Nemendur læra að forðast íþróttameiðsl og fræðast um fyrstu viðbrögð við slysum og skrámum. Þeir læra að skipuleggja æfingaáætlun, skrá frammistöðu sína og reikna út árangur. Rík áhersla er lögð á góða, reglulega og alhliða hreyfingu sem veitir gleði og vellíðan og fjallað er um gildi þess að lifa heilbrigðu lífi.

Markmið

Nemandi

  • læri fjölbreytta upphitun
  • taki þátt í markvissri þol- og kraftþjálfun
  • auki styrk og liðleika
  • læri réttra líkamsbeitingu
  • læri fjölbreyttar teygju- og slökunaræfingar
  • fræðist um fjölbreyttan útbúnað til líkams- og heilsuræktar, innandyra sem utan
  • taki þátt í leikjum og temji sér drenglyndi og háttvísi í keppni og samstarfi
  • tileinki sér jákvætt hugarfar til líkamsræktar og heilbrigðs lífsstíls

Uppfært þriðjudagur, 14 janúar 2014 11:48

Go to top