Moodle - MKnet

Inna - upplýsingakerfi skóla

Póstur kennara

ForsíðaUm námiðAllir áfangarFerðagreinarFLÚ103 Ferðalandafræði útlanda

FLÚ103 Ferðalandafræði útlanda

Áfangi: FLÚ103

Ferðalandafræði Útlanda

Einingar:

3 einingar (5 fein

þrep:

4

 

Lýsing

Í áfanganum eru helstu áfangastaðir í ferðaþjónustu um heim allan kynntir. Þá er sérstaklega fjallað um hinn íslenska ferðamann og hverju hann sækist eftir á ferðalögum erlendis. Farið er yfir það sem gerir áfangastaði áhugaverða í augum ferðamanna og skoðað hvað gerir hvert svæði/stað að aðdráttarafli í ferðaþjónustu. Þar að auki er fjallað um mismunandi ferðamöguleika, ólíkar aðstæður, misjafnt aðgengi og styrkleika og veikleika ákveðina ferðamannastaða. Í áfanganum er lögð áhersla á leikni í notkun ferðahandbóka og alþjóðlegra landakorta auk þess að nemendur hljóta aukna þekkingu á helstu upplýsingamiðlum um áfangastaði fyrir ferðamenn um heim allan.

Forkröfur eru engar

Þekkingarviðmið

 

Nemandi skal hafa öðlast þekkingu og skilning á:

  • Ferli skipulagningar og undirbúnings ferða út í heim.
  • Fjölbreytileika ferðamanna og ólíkra þarfa þeirra í ferðaskipulagningu með tilliti til markhóps.
  • Neti samgangna um heiminn og möguleika til ferðalaga.

Hæfniviðmið

 

Nemandi skal geta hagnýtt þá þekkingu og leikni sem hann hefur aflað sér til að:

  • Leita upplýsinga um helstu ferðamannastaði í heiminum.
  • Nota alþjóðleg landakort, handbækur og áreiðanlegar heimildir á netinu til að afla upplýsinga um einstaka staði/lönd.
  • Skipuleggja sérsniðnar ferðir fyrir ákveðna hópa eða einstaklinga þar sem tekið er tillit til einkenni ferðamannastaða, framboðs afþreyingar, þjónustu, vegalengda og ferðamöguleika.
  • Skipuleggja og vinna með tilboðsgerði í fjölbreyttar ferðir s.s skíðaferðir, sólarferði, hópferðir og sérferðir.

Leikniviðmið

 

Nemandi skal hafa öðlast leikni í að:

  • Skipuleggja ferðir fyrir mismunandi hópa með mismunandi þarfir.
  • Skipuleggja ferðir með tilliti til fjarlægðar, flugleiða og þjónustuframboðs.
  • Setja saman mismunandi ferðir á skynsamlegan og spennandi máta fyrir hópa jafnt sem einstaklinga.
  • Nýta handbækur, bæklinga, heimasíður og aðra miðla til upplýsingaöflunar

Námsmat: Samanstendur af fjölbreyttum verkefnum yfir önnina ásamt lokaprófi.

 

Uppfært miðvikudagur, 25 júní 2014 10:42

Go to top