Moodle - MKnet

Inna - upplýsingakerfi skóla

Póstur kennara

SKY101 Skyndihjálp

Áfangi: SKY101

Skyndihjálp

Einingar:

1 eininga (1 fein)

 

Hæfniþrep: 3

 

 

Lýsing Í áfanganum er farið í gegnum helstu grunnatriði skyndihjálpar sem veitt er slösuðu eða bráðveiku fólki. Byrjað er á fyrstu aðgerðum á vettvangi, skoðun og mati á stöðu. Þá er farið í helstu blæðingar, lost og viðbrögð við lostástandi. Teknar eru fyrir helstu tegundir sára, umbúða og sárabinda auk helstu orsaka bruna, flokkun brunasára og skyndihjálp við bruna. Helstu höfuð-, háls- og hryggáverkum eru gerð skil ásmt brjóst-, kvið- og mjaðmaáverkum. Einnig er farið í beina-, liðamóta- og vöðvaáverka og nemendum kennt að spelka útlimi eftir áverka. Farið er yfir bráðasjúkdóma, eitranir, bit og stungur auk þess að fjallað er um viðbrögð við kali og ofkælingu og háska af völdum hita. Sérstaklega er farið yfir björgun og flutning einstaklinga af slysstað.

Forkröfur eru engar.

Þekkingarviðmið

 

Nemandi skal hafa öðlast þekkingu og skilning á:

  • Þeirri hugmyndafræði sem skyndihjálp byggir á.
  • Helstu einkennum bráðasjúkdóma og réttum viðbrögðum við þeim.
  • Helstu áverkaeinkennum og réttum viðbrögðum við þeim.

 

Hæfniviðmið

 

Nemandi skal geta hagnýtt þá þekkingu og leikni sem hann hefur aflað sér til að:

  • Finna til öryggis og sjálfstrausts til að geta veitt aðstoð í bráða- og neyðartilfellum.
  • Meta aðstæður í bráða- og neyðartilfellum og veita viðeigandi aðstoð í hverju tilfelli.
  • Viðeigandi aðstoð getur t.d. falið í sér að:
  • spelka brot og tognanir ef þörf er á
  • binda um sár og skráumur
  • veita endurlífgun
  • tryggja öryggi sjúkra eða slasaðra

Leikniviðmið

 

Nemandi skal hafa öðlast leikni í að:

  • Bregðast á viðeigandi hátt við bráðatilfellum sem upp geta komið.
  • Meta ástand sjúkra/slasaðra í bráðatilfellum og geta brugðist við á viðeigandi hátt.
  • Beita hjartahnoði og blástursmeðferð ef þörf er á lífgunartilraunum.

Námsmat: Samanstendur af þjálfun nemenda í kennslustundum auk krossaprófs við lok námskeiðs.

Dags: 24. September 2013 Höfundur: Helene H. Pedersen

Uppfært miðvikudagur, 25 júní 2014 10:51

Go to top