Moodle - MKnet

Inna - upplýsingakerfi skóla

Póstur kennara

FRR208 Framreiðsla II

Undanfari: FFF107, FRR107

Í áfanganum er lögð áhersla á skipulagningu og öguð vinnubrögð. Nemendur æfa uppstillingar í veitingasal og dúkun borða miðað við ýmis tækifæri og þemu ásamt borðlagningu eftir mismunandi matseðlum. Æfð er móttaka gesta og framreiðsla frá vínstúku. Nemendur læra að vinna sjálfstætt að verkefnum sínum. Kennd er notkun á öllum helstu áhöldum og aðferðum við fyrirskurð á mismunandi hráefni. Lögð er áhersla á tilreiðslu hráefnis í augsýn gesta. Kennd er notkun gastækja og annarra áhalda við eldsteikingu. Æfðar eru mismunandi aðferðir við eldsteikingu eftir hráefni, s.s. eldsteikingu á ávöxtum, pönnukökum, kjöti og sjávarréttum. Nemendur læra framreiðslu á vínum og umhellingu á þeim. Nemendur þjálfast í að beita mismunandi framreiðsluaðferðum. Lögð er áhersla á að tímaáætlanir standist og að framreiðsla á mat og víni gangi eftir áætlun. Kennd er umgengni við gesti, svo sem svara spurningum gesta um matseðil og vín. Í áfanganum er kennd meðhöndlun blóma og undirstöðuatriði í gerð blóma- og borðskreytinga.

Markmið
Nemandi

  • geti annast og stjórnað borðauppröðun og borðlagningu fyrir allar tegundir og stærðir matseðla
  • geti búið til blómaskreytingar og skreytt borð með hliðsjón af hefðum og reglum
  • þekki allar helstu venjur í samskiptum við gesti
  • kunni skil á þeim veitingum sem í boði eru, geti veitt um þær upplýsingar og viti hvernig þær á að framreiða
  • kunni að beita áhöldum við fyrirskuð
  • kunni skurð á öllu kjöti sláturdýra, fugla og villibráðar og þekki vöðvabyggingu þeirra og geti meðhöndlað hráefni í augsýn gesta
  • kunni að beita gastækjum og öðrum áhöldum sem koma að eldsteikingu
  • kunni viðeigandi aðferðir við eldsteikingu á ólíku hráefni
  • kunni að setja mat upp á disk eftir faglegum hefðum
  • geti framreitt drykki frá vínstúku og kunni uppskriftir drykkja sem í boði eru
  • geti ráðlagt gestum um vín sem hentar hverju sinni
  • geti unnið sjálfstætt að verkefnum eftir viðurkenndum framreiðsluaðferðum
  • geti skipulagt vinnu sína í samræmi við lög og reglur um hreinlæti og hollustuhætti

Uppfært miðvikudagur, 17 október 2007 10:41

Go to top