Moodle - MKnet

Inna - upplýsingakerfi skóla

Póstur kennara

  • Almenn leiðsögn skipulag
  • Gönguleiðsögn skipulag
  • Umsóknir (word skjal)
  • Senda póst This email address is being protected from spambots. You need JavaScript enabled to view it.

AFÞ106 Afþreyingarferðir

Undanfari: enginn

Í áfanganum er farið í helstu skilgreiningar á afþreyingu í ferðaþjónustu og fjallað um skipulagða og valfrjálsa afþreyingu á landi, á sjó, á vötnum, í ám, með og án farartækja.

1. Skipulögð/valfrjáls afþreying með farartækjum á landi: hópferðabifreiðar, sérútbúin ökutæki, vélsleðar, snjóbílar, hestar, reiðhjól, sleðar, jeppar.

2. Skipulögð/valfrjáls afþreying með farartækjum á sjó, vötnum eða ám: útsýnis- og sjóstangaveiðiferðir, flúðasiglingar, gúmmíbátaferðir, hvalaskoðunarferðir, kajakferðir, sæþotur.

3. Skipulögð/valfrjáls afþreying án farartækja: göngur, veiði, fuglaskoðun, köfun, sig, fossa- og jöklaklifur, flúðasund, drekaflug, fallhlífarstökk, teygjustökk.

Lögð er áhersla á móttöku ferðamannsins, skipulag ferða, búnað, tækni og sérhæfðar aðferðir afþreyingarinnar. Fjallað er um öryggismál, almannarétt, leyfi, tryggingar og staðla, veðurfræði og sérhæfingu á umhverfi afþreyingarinnar. Vettvangsnám fer fram á námstíma hjá fyrirtækjum í ferðaþjónustu sem sérhæfa sig í afþreyingarferðum. Haldin er leiðarbók (logbók) um vettvangsnámið.

Markmið
Nemandi kunni skil á

  • helstu skilgreiningum á afþreyingu í ferðaþjónustu
  • skipulögðum og valfrjálsum ferðum í afþreyingu
  • móttöku ferðamanna
  • búnaði í einstakar afþreyingarferðir
  • tækni og sérhæfðum aðferðum afþreyingarinnar
  • almennri og sértækri afþreyingu
  • skipulagi ferðarinnar
  • öryggismálum, almannarétti, leyfum, tryggingum, viðmiðum
  • veðurfræði og náttúrulegu umhverfi viðkomandi afþreyingar
  • sérþekkingu sem ákveðin afþreying krefst

Uppfært föstudagur, 28 mars 2008 10:23

Go to top