Moodle - MKnet

Inna - upplýsingakerfi skóla

Póstur kennara

NÁT103 Líffræði

 

Undanfari: enginn

Í þessum grunnáfanga fer fram kynning á séreinkennum líffræði sem vísindagreinar, tengslum við aðrar greinar, þróun og hlutverki líffræðirannsókna. Teknir eru fyrir ýmsir grundvallarþættir lifandi náttúru, sameinkenni lífvera og ferli sem tengja lífverur hvers vistkerfis saman. Bygging frumunnar og starfsemi er tekin til umfjöllunar og efnisþættir hennar eru skoðaðir út frá gerð og hlutverki. Fjallað er um efni líkamans, vefi, líffæri og líffærakerfi. Farið er í flokkun lífheimsins frá örverum til spendýra. Auk þess er fjallað um grundvallarþætti erfðafræðinnar, um gerð og starfsemi vistkerfa, mikilvægi fjölbreytileika innan þeirra og áhrif mannsins. Verklegur þáttur áfangans er með ýmsu móti en áhersla er lögð á að nota smásjá , auk þess sem nemendur vinna verkefni og kynna þau.

Markmið
Nemandi

  • geri sér grein fyrir eðli og hlutverki líffræðinnar sem vísindagreinar
  • þekki helstu efnaflokka sem lífverur eru byggðar úr og hlutverk þeirra
  • þekki gerð og starfsemi frumna
  • þekki helstu flokka lífvera og einkenni þeirra
  • skilji grunnhugmyndir í erfðafræði, þ.e. byggingu litninga og hlutverk þeirra
  • geri sér grein fyrir flóknu samspili lífvera og umhverfis
  • kunni að nota smásjá

Uppfært föstudagur, 25 apríl 2008 14:19

Go to top