Moodle - MKnet

Inna - upplýsingakerfi skóla

Póstur kennara

SAG303 Menningarsaga frá fornöld til nútíma

 

Undanfari: SAG203

Menning heimsins og hugmyndastraumar á ólíkum tímaskeiðum eru til umfjöllunar. Hugtakið menning er skoðað í því ljósi að það nái yfir flestar merkingarbærar athafnir manna, svo sem siði, venjur, viðhorf og listsköpun. Viðfangsefnin eru m.a. klassísk fornmenning Grikkja og Rómverja. Grísk goðafræði og vísan hennar til samtímans er skoðuð, sem og grísk heimspeki, leiklist og byggingarlist. Samfélag Rómverja er kannað með út frá heimildum um borgina Pompeii. Einnig er hugað að skáldskaparlist og heimspeki Rómverja. Heimur miðalda og þorpið Montaillou er skoðað sem gluggi að samfélagi miðalda. Útbreiðsla kristni og íslam á miðöldum. Menning Karlunga, endurreisnin á Ítalíu, útbreiðsla hennar til Norður-Evrópu og áhrif, barokklist og einveldi í Evrópu á 17. öld, Holland, verslun og menningarstarfsemi. Upplýsingarstefnan, bókmenntir og heimspeki. Hugtakið rómantík skoðað sem tímaskeið, listastefna og hugmyndahreyfing í Evrópu. Einnig er hugað að breyttum lífsháttum á 19. öld með iðnvæðingu í Evrópu, og fjallað um stórverslanir, íþróttir, tónlistarlíf og fótbolta svo nokkuð sé nefnt. Nútímalist og tíðarandi 20. aldar eru kynnt og nemendur kynna sér helstu listastefnur á 20. öld, s.s. módernisma og súrrealisma.

Markmið

Nemandi

  • þekki ýmis hugtök og stefnur í listgreinum og heimspeki á tímabilinu
  • þekki til helstu einkenna á menningu og listastefnum ólíkra tímaskeiða allt frá fornöld og fram á 20. öld
  • þekki mismunandi skilning og notkun á menningarhugtakinu
  • þjálfist í að skoða hluti frá ólíkum sjónarhornum og ræða álitamál og öndverð viðhorf í heimspeki og hugmyndasögu
  • þjálfist í að koma fram og kynna tiltekin viðfangsefni í menningarsögu
  • þjálfist í að leita sér upplýsinga og meta ólíkar heimildir, t.d. frumtexta, eftirheimildir og myndefni

Uppfært þriðjudagur, 18 mars 2008 11:43

Go to top