Moodle - MKnet

Inna - upplýsingakerfi skóla

Póstur kennara

ForsíðaBóknámStúdentsbrautirStúdentsbrautir til 2015FélagsfræðabrautÁfangarFélagsgreinarSAG103 Íslands- og mannkynssaga frá fornöld og fram á 18. öld

SAG103 Íslands- og mannkynssaga frá fornöld og fram á 18. öld

 

Undanfari: enginn

Viðfangsefni eru fjölbreytileg og nemendur læra um lífshætti fólks, listir, vísindi, stjórnmál, trúmál og heimspeki svo nokkuð sé nefnt. Stjórnmál, deilur um þjóðfélagsskipulag, átök milli ríkja og ólíkra hagsmunahópa setja sterkan svip á söguna eins og hún er jafnan kennd. Í þessum áfanga gefst ekki síður kostur á að kynnast öðru en stjórnmálasögu, t.d. munu nemendur fá nokkra innsýn í verslunar- og hagsögu og almenna hugmyndasögu. Þá setja þjóðhættir og saga hins daglega lífs, jafnt á Íslandi sem í öðrum löndum, einnig svip á kennsluna. Leitast er við að skoða hvernig fortíðin hefur haft mótandi áhrif á nútímasamfélagið. Fjallað er um sögu fornaldar, Grikklands og Rómaveldis. Íslensku og evrópsku miðaldasamfélagi eru gerð skil. Landafundir, ný heimsmynd, breyttir verslunarhættir og siðaskipti eru viðfangsefni sem tekin eru til umfjöllunar með tilliti til sögu Íslands og Evrópu. Að endingu er fjallað um einveldisstjórnarhætti og upplýsingarstefnu á 18. öld og íslenskt þjóðfélag á sama tíma.

Markmið

Nemandi

  • kunni skil á ýmsum grundvallarhugmyndum og hugtökum sem eiga sér sögulegar rætur
  • þekki til ólíkra samfélagsgerða og stjórnarhátta fyrr á öldum
  • þekki til helstu einkenna ólíkra tímaskeiða allt frá fornöld og fram til upplýsingartímans
  • hafi fengið þjálfun í leita sér upplýsinga og meta ólíkar heimildir og áreiðanleika þeirra

Uppfært miðvikudagur, 26 september 2007 21:39

Go to top