Á alþjóðabraut er áhersla lögð á að byggja upp sterkan þekkingargrunn á sviði alþjóðasamskipta og erlendra tungumála. Nemendur öðlast innsýn í fræðilegar starfsaðferðir sviðsins með þjálfun í menningar- og náttúrulæsi í þverfaglegum áföngum. Með frjálsu vali geta nemendur aðlagað námið að þörfum sínum og áhugasviðum. Brautinni lýkur með stúdentsprófi og þar með býr nemandinn yfir þekkingu, leikni og hæfni til að takast á við nám á háskólastigi. Brautin er góður undirbúningur fyrir frekara nám eða störf í atvinnulífinu s.s. í ferðaþjónustu. Þá getur nemandinn nýtt sér erlend tungumál í námi og starfi á alþjóðavettvangi.
Inntökuskilyrði
Almenn skilyrði til innritunar á alþjóðabraut eru að nemandi hafi lokið einkunninni A, B+ eða B í íslensku, ensku og stærðfræði við lok grunnskóla. Hafi nemandi einkunn undir því viðmiði (C+) í einni námsgrein getur hann innritast á alþjóðabraut en tekur áfanga á fyrsta þrepi í viðkomandi grein. Gert er ráð fyrir að nemandi fari beint á 2. þrep í grunnfögum, auk dönsku, hafi hann náð einkunninni A, B+ eða B við lok grunnskóla. Hafi nemandi einkunn undir því viðmiði (C+) fer hann á fyrsta þrep í viðkomandi námsgrein.
Námstími
Námstími til stúdentsprófs er þrjú ár og þarf nemandi að ljúka 33-34 einingum á önn til að ljúka á þeim tíma.
Skipulag
Nám á alþjóðabraut er alls 200 einingar sem skiptast í 100 einingar í kjarna, 50 einingar þar sem nemandi sérhæfir sig í tungumálum/ferðagreinum/alþjóðasamskiptum og 50 einingar í opnu vali á 1. – 4. þrepi þar sem nemendur eru hvattir til að dýpka enn frekar þekkingu sína. Það er mikilvægt að nemendur skipuleggi nám sitt með aðgangsviðmið háskóla í huga eftir því sem við á.
Prentvæn útgáfa - Nemendur fæddir 1999
Prentvæn útgáfa - Nemendur fæddir 2000
| Kjarni (K) | Skst. | 1. þrep | 2. þrep | 3. þrep | Fein. |
|---|---|---|---|---|---|
| Íslenska | ÍSLE | 2BA05, 2BB05 | 3CA05, 3CB05 | 20 | |
| Enska | ENSK | 2BA05, 2BB05 | 3CA05, 3CB05 | 20 | |
| Stærðfræði | STÆR | 2BA05, 2BB05 | 10 | ||
| Danska | DANS | 2BA05 | 5 | ||
| Læsi | LÆSI | 1AA10 | 10 | ||
| Íþróttir | ÍÞR | 1AA01, 1AA01, 1AA01, 1AA01 | 4 | ||
| Þriðja mál |
FRAN SPÆN ÞÝSK |
15 | |||
| Nýnemafræðsla | NEMI | 1AA01 | 1 | ||
| Lokaverkefni | LOVE | 3LV05 | 5 | ||
| Einingar úr BK annarrar brautar | 10 | 10 | |||
| Fjöldi eininga | 30 | 45 | 25 | 100 | |
| Brautarkjarni (BK) | |||||
| Danska | DANS | 2BB05 | 5 | ||
| Þriðja mál |
FRAN SPÆN ÞÝSK |
10 | |||
| Fjórða mál |
FRAN SPÆN ÞÝSK |
15 | |||
| Ferðafræði | FERÐ | 2BA05 | 3CA05 | 5 | |
| Evrópa - samskipti, stofnanir og listir | EVRÓ | 3CA05 | 5 | ||
| Alþjóðaviðskipti | ALÞV | 2BA05 | 5 | ||
| Fjöldi eininga | 15 | 25 | 10 | 50 | |
| Opið val (OV) |
Opið val á 1.-4. þrepi. Mikilvægt er að halda áfram að dýpka þekkingu sína og velja hér |
50 | |||
| Samtals einingar | 200 | ||||
| Fjöldi eininga á þrepi | K | BK | OV |
| 1. þrep lágmark 33 - hámark 67 |
30 | 15 | 50 |
| 2. þrep lágmark 67 - hámark 100 |
45 | 25 | |
| 3. þrep lágmark 33 - hámark 67 |
25 | 10 | |
| Alls 200 | 100 | 50 | 50 |
Lokamarkmið alþjóðabrautar:
Að loknu námi á alþjóðabraut skal nemandi hafa hæfni til að .....
- afla sér upplýsinga, meta þær, vinna úr þeim og túlka þær
- sýna frumkvæði og skapandi hugsun við lausnamiðað nám
- efla eigin sjálfsmynd og nýta styrkleika sína
- leita fullnægjandi raka fyrir skoðunum sínum og annarra
- gera sér grein fyrir samfélagslegri ábyrgð sinni
- taka þátt í lýðræðislegri samræðu og samstarfi
- nálgast viðfangsefni sín og umhverfi á víðsýnan, umburðarlyndan og ábyrgan hátt
- fjalla um og taka þátt í upplýstri umræðu um ýmis mál er tengjast samspili vísinda, tækni og samfélags
- nýta sér góða almenna þekkingu á sviði alþjóðasamskipta og erlendra tungumála
- beita aðferðum þeirra greina sem hann sérhæfir sig í og velja viðeigandi rannsóknaraðferð hverju sinni
- takast á við frekara nám í erlendum tungumálum eða störf í atvinnulífinu s.s. í ferðaþjónustu
Uppfært fimmtudagur, 04 maí 2017 16:40